بداية جديدة ..

_ زى كل حاجة مع الوقت بتتنسى .. الذكريات كمان

عندى حنين غريب الفترة دى لحاجات كتيرة بحبها وبطلت أعملها

هواياتى كمان مبقتش أهتم بيها .

آخر مرة مشيت فيها لفترة طويلة أوى وصلت لساعات

كانت من شهور , أقرب لسنة
تقريبا استهلكت فى اليوم دا كل القوة اللى جوايا
وفى نفس اليوم بطلت أبص فى وشوش الناس
اللى كانت بالنسبالى حواديت وحكاية مختلفة ورا كل وش بنى آدم بقابله .

.......
_ تعرفى .. بحس إن حالة الحزن بتليق عليّا أكتر !

وقتها إنتِ مصدقتنيش أو مفهمتنيش
ويمكن  كنت أقصد حالة الوحدة وأسأت التعبير وقتها
_ لإن الاتنين حالتين قريبين من بعض بالنسبالى _
بس الحالة دى مش بتوصلنى لإكتئاب أو زعل حقيقى
بالعكس دى بتقربنى لنفسى أكتر .. بدوّر جوايا من تانى
على حاجات تاهت وسط مليون حاجة تانية
ومفيش غير الحالة دى اللى بتخلينى ألاقيها وسط الزحمة
بحب نفسى أكتر وقتها .. :)

.......
 أنا اتغيرت أوى .. فى مدة قليلة أوى كمان_
بكل الحلو والوحش فيه .. التغيير دا راضينى نوعا ما
بقيت أنضج كتير , تفكير , تصرفات  , ومشاعر
تحمل مسئوليتى لنفسى بشكل أكبر كمان .
والوحش لسه بيتغير
ولسه فيه حاجات جميلة شايلاها فى أبعد حتة فى قلبى
زى ما اتوجدت فيّا ..

بس
ليه دايما الناس بتفتكر التغيير حاجة وحشة ومش محببة !!

.........

البدايات الجديدة دايما مبهرة ..مميزة جدا_

لسه بؤمن بيها .. لانها لسه بتدينى أمل

بس أنا كنت بخاف من المغامرة
ومن يومين بس قررت مخافش تانى
بعد ما ربنا بعتلى رسالة فى حلم .. طمنتنى
شكرا يارب .. :)

..........
22 February ..

عدى سنتين هنا فى البلوج .. وبقى المكان الوحيد اللى بيونسنى ويدفينى ..

لكل حد كان السبب فى وجودها

ولأصحاب القلوب الطيبة وتعليقاتهم

شكرا بجد .. أنا ممتنة ليكم .. :)

:))))

لما تقوم الصبح لوحدك
فايق أوى
فرحان..
والدنيا بتاخدك بالحضن
من غير لف ودوران..
وإنه كمان مسموح لك تحلم
وبدون استئذان..
لما تحس بروحك طااايرة
وبتقرب منك
وقلبك رغم الحزن يقولك
مش زعلان منك..
وإنك لسه بتقدر تعشق
وإن الكلمة بتطلع سهلة
مش غصب عنك..
وإن حياتك كلها تفرق
عن كام ساعة فاتوا..
وإن النقط السودة ف توبك
اختفوا أو ماتوا..
وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة

جميلة ..
ومابتحصلش كتير.. 

.....

الحمد لله

حساها أووى 

:) 

Our birthday .. :)

25 / 9

عيد ميلاد تانى اقرب حد ليا واختى

هاجر زعبل ..

كل سنة وانتى دايما بخير وطيبة زى ما انتى

وفى سعادة وحب وراحة بال ونجاح دايما 

يارب تكون سنة جميلة عليكى وتحققى فيها كل اللى بتتمنيه..

وجودك دايما بيفرق معايا اووى

فيارب دايما نفضل سوا يا اجمل بنوتة فى الدنيا

عقبال 100 سنة وربنا يخليكى ليا يا جوجو :) 

..

وعيد ميلادى انا

اخر الاسبوع دا باذن الله..

سنة جديدة وبداية جديدة

كل سنة وانا طيبة :)

..

ياارب فرحنا السنة دى وتبقى احلى من سنين كتير فاتت

:) 

Happy birth day .. :)

21/5/2010

was one of my two dearest friends birthday

2wl mara ab2a mabsouta  blshakl da lma asma3 sout 7ad b7ebo ykon fr7an awy keda.

7ad gamil awy bgd zy el babies aw el angles , ystahl eno yfra7 daimn .. Bosy tstahel kol 5ir

w kol 7aga gamila f el donya w en so7abha y7boha keda :)

ana b7bha l draga mesh momken 7ad yt5ylha ..zy ma bt2ol f 7aga 3'ariba bina .. law 7awlna n3rafha ..  

mesh hn7es b gmalha tany .. f 7agat moushtraka kteer bina zy ma nkon n3rf b3d mn sneen kteer

. m3 eny a3rfha bs el sana elly fatet

kan nfsy akon m3aha awy _law kona sawa_ bgd kan f 7agat kteer htt3'yr ll a7sn, 

b7taglha kteer gamby w bla2eha daimn m3aya mn 3'er ma nt2abl !!

3omry ma shoft 7ad keda lssa 

lina zkryat kteer swa lma bntklm .. mfesh 7ad fina hy2dr ynsaha ..

aktr 7aga btmnaha , eny a2ablha w nkon sawa 

rabna y5aliky lia .. yarab e7miha w ekrmha .. nfsy ashofk a7sn Dr f el donya

Happy birth day my sweety

i luv u :) w b7bk awy lma btb2y magnona  as usual ya3ny :D 

          :)