قدر .. ام زلـــة قدم !!

مازلت أتساءل بعد كل هذه السنوات .. اين اضع حبك اليوم ؟

أفى خانة الاشياء العادية

التى قد تحدث لنا يوما كأية وعكة صحية..

أو زلة قدم أو نوبة جنون ؟

أم اضعه حيث بدأ يوما ؟

كشئ خارق للعادة .. كهدية من كوكب

لم يتوقع وجوده الفلكيون..

أو زلزال لم تتنبأ به أية

اجهزة للهزات الارضية ..

..

أكنت قدر .. أم زلة قدم !!

                   احلام مستغانمى ..

Our birthday .. :)

25 / 9

عيد ميلاد تانى اقرب حد ليا واختى

هاجر زعبل ..

كل سنة وانتى دايما بخير وطيبة زى ما انتى

وفى سعادة وحب وراحة بال ونجاح دايما 

يارب تكون سنة جميلة عليكى وتحققى فيها كل اللى بتتمنيه..

وجودك دايما بيفرق معايا اووى

فيارب دايما نفضل سوا يا اجمل بنوتة فى الدنيا

عقبال 100 سنة وربنا يخليكى ليا يا جوجو :) 

..

وعيد ميلادى انا

اخر الاسبوع دا باذن الله..

سنة جديدة وبداية جديدة

كل سنة وانا طيبة :)

..

ياارب فرحنا السنة دى وتبقى احلى من سنين كتير فاتت

:) 

Just words .. 4

I want to be your fantasy

and be your reality

and everything between .. !!

Happy Eid ;)

May allah accept our deeds and bless us 

Happy feast to all

enjooooy
:) 

دعــــــاء ليلة القدر ..

يا قاضى الحاجات..

يا قاضى الحاجات..

يا قاضى الحاجات..

يا مجيب الدعوات.. 

اللهم يا فارج الهم.. 

يا كاشف الهم..

يا مجيب دعوة المضطرين

لا يخفى عليك شيء من أمرنا..

نسألك يا ربنا مسألة المساكين.. 

ونبتهل إليك يا ربنا ابتهال الخاضع المذنب الذليل.. 

ندعوك دُعاء من خضعت لك رقبته..

وذل لك جسمه.. ورغم لك أنفه.. 

وفاضت لك عيناه..

يا من يجيب المضطر إذا دعاه.. 

يا من يجيب المضطر إذا دعاه..

يا من يجيب المضطر إذا دعاه..

ويكشف السوء عمن ناداه..

يا ربنا اجعل خير أعمارنا آخرها.. 

وخير أعمالنا خواتيمها.. 

وخير أيامنا يوم أن نلقاك..

وأغننا بفضلك عمن سواك

 يـــــــارب

بلغنا ليلة القدر

واجعلنا ممن رحمتهم وغفرت لهم

وعتقتهم من النــار .. 

 

اوسطه .. مغفــــــــــرة

اللهم أنت ربي لا إله إلا أنت خلقتني وأنا عبدك

وانا على عهدك ووعدك ما استطعت 

أعوذ بك من شر ما صنعت

وأبؤ لك بنعمتك علي وابؤ لك بذنبى

 فاغفر لي فانه لا يغفر الذنوب إلا أنت

ـــــــــــــ

 اللهم اغفر لي خطيئتي وجهلي وإسرافي في أمري وما أنت اعلم به مني 

اللهم اغفر لي جَدِّي وهزلي وخطئي وعمدي وكل ذلك عندي

اللهم اغفر لي ما قدمت وما أخرت وما أسررت وما أعلنت 

وما أنت أعلم به مني أنت المقدم وأنت المؤخر 

وأنت علي كل شيء قدير  

ــــــــــــــ

 اللهم إني أستغفرك من كل ذنب تبت إليك منه ثم عدت فيه 

وأستغفرك من كل عمل أردت به وجهك الكريم فخالطني فيه غيرك 

وأستغفرك من كل نعمة أنعمت بها على فاستعنت بها علي معصيتك

وأستغفرك يا عالم الغيب والشهادة من كل ذنب أتيته في ضياء النهار

 ...أو سواد الليل في ملأ أو خلاء أو سر أو علانية يا حليم

اولــه .. رحمـــــــــــــة

اللهم ارحمنا فوق الارض..

وتحت الارض ..

ويوم العرض عليك 

..

رمضــــــــان جنــــــة ..

مساء الخير..

رمضان كريم عليكم جميعاااااااا

يارب يكون شهر مليان بالخير

وربنا يتقبل دعواتكم..صيامكم..قيامكم..صلاتكم

 يارب كل شهر وكل رمضان وانتوا الى الله اقرب

ياريت كل واحد فينا يستغل الشهر داع قد ما يقدر

فى التقرب لربنا..

اللهم بلغنا رمضان

..

وحوى يا وحوى .. :)

..

مجرد كراكيب ..

 N.B : فضفضة شخصية كالعادة .. ليس إلا .

_ صعب اوى انك تكون كبير فى نظر حد يهمك .. وتصغر نفسك قدامه وتخذله .

_ نفسى ابطل اضحك واكدب على نفسى وافضل طول الوقت ارسم ابتسامة 

  كبيرة ع وشى وانا مش حساها وملهاش اساس ..

_ ساعات لما تحب حد اكتر من نفسك .. دا بيرجعك لورا اووى

  'كان عندِك حق' ..

_ ماشية بدماغى عكس كل الناس بس مقتنعة بنفسى كدا

  واحساس الاختلاف بيرضينى ..

_ رمضان قرب .. مبسوطة بس السنة دى بالذات مالوش روح ومش حاسة بيه :(

_ لسه الحاجات الصغيرة بتفرحنى جداا وبتخلينى طايرة ....

_ اكيد الدنيا لسه بخير .. اكييد اكيييد

_ اتعودت ان كل حاجة حلوة فى حياتى .. مبتكملش

  غير _بس_ فى خيالى واحلامى ....
 

 _ فى ناس فى حياتك لما بيعدوا بيسيبوا بصمة عادية يمكن سطحية

  وناس اكتر بتتمنى تمحى اى اَثر لبصماتهم حتى لو كانت احلاهم ..

_ بقيت بحس ان شخصيتى معقدة .. متناقضة كتير وبعض الناس اثبتتلى دا

_ نفسى انسى ذكرياتى فى الفترة دى الحزينة والمفرحة

  وكل ما بحاول بفتكرتفاصيل اكتر ..

_ مبقتش فهمانى..حسانى ..او لاقيانى .. باختصار'احساس بالضياع والتوهان'

  بكره الاحساس دا اووووى ..

_ حاسة انك لوحدك وعاجزة عن انى اعملك حاجة .. حاولت كتير اقرب 

  واكسر حاجز العلاقة السطحية اللى بينا .. بس الظروف زودت البعد

  بينا واجبرتنا عليه ..

  كنت اتمنى نكون صحاب مش مجرد اتنين اسمهم اخوات وبس ..  
 

حنيــــــــــن ..

_ كان حلم وردى جميل , بس ياريته فضِل حلم .. وبس

_ الموضوع عامل زى الدواير .. دواير صغيرة جوا دايرة كبيرة .. الدواير الصغيرة ممكن تتغير..لكن الدايرة الكبيرة مبتتغيرش .. ما بتتغيرش ' بحاول اقنع نفسى' ....

_ هو معرفة الناس كنوز .. ولا البعد عنهم غنيمة !!

_ كنت مرتاحة اوى وانا ماشية لوحدى يومها ..كنت حاسة انى حرة ومفيش حاجة مقيدانى ..مكنتش حاسة بدوشة العربيات حواليا , بس كإنى غريبة

عن العالم دا ..وماشية بتفرج ع الناس وببص لوشوشهم لاول مرة , كنت حاسة بغربة بجد عنهم ..

_ من كتر ما بقى احساسى بحاجات كتير متوقعاها قبل ما تحصل صح .. بقيت خايفة اللى ف بالى يتحقق ..اول مرة اتمنى ان احساسى يطلع غلط .. يااااااارب

_ فى ناس لما بتجرح حد .. بتبقى متخيلة انها جرحته هو وبس .. بس الحقيقة انهم ساعات بيجرحوا اتنين من غير ما يحسوا .. مش واحد بس .. للاسف

_ لسه بدعيلك .. بس مبقتش حساها زى قبل كدا

غصب عنى بجد .. 

Just words .. 3

.

البحر غضبان ما بيضحكش .. اصل الحكاية ما تضحكش

البحر جرحه ما بيدبلش.. وجرحنا ولا عمره دبل..

صـــــــــلاة الجمعة ..

Me & myself ..

_ قبل ما تحلم .. احلم وانت فايق .....

_مؤخرا .. اكتشفت ان فى ناس بتحبنى اوى من غير مصالح ومن غير كدب او ماسكات .. لمجرد الحب وبس 

بجد حاجة فرقت معايا اوى .. :)

_فى صدف لما بتحصل بتخلينا مبسوطين وطايرين بجد .. وصدف تانية بتوجع اوى وبنتمنى انها مكنتش تحصل .. بس مش بادينا

ولسه الوجع بيزيد .. كل ما بتتكرر .

_بحب حنيتك المستخبية جواك .. كل ما بتعمل حاجة صغيرة اوى عشان تخرجنى من اى موود وحش لمجرد انك مش بتحب 

تشوفنى مضايقة .. بحبك اوى وربنا يخليك ليا لانى مليش غيرك فى الدنيا , ولا انت كمان :)

_بخاف اوى كل ما بقرب من اخر سنة ليا فى الجامعة .. بحس ان نهايتى بتقرب او انى هفقد حريتى .. مش حاسة ان الايام

جريت بالسرعة دى وخلاص المرحلة دى لازم تخلص وادخل فى مرحلة جديدة .

مش عايزاها تخلص .. او بمعنى ادق مش عايزة اكتشف انى بكبر من غير ما احس .. :(

_احساس بيقتل اوى لما تخسر الثقة فى الناس كلها وفجأة تلاقى شخص يرجعهالك تانى .. بس للاسف بيخذلك بانه يبعد 

وينسى حتى انه مصدر ثقتك وقوتك ف الدنيا .. وترجع تخسرها تانى .

_كل ما ببص للقمر .. بفتكرك .. بفتكر احلامى 

ع طول مبتسم .. والابتسامة جواها رسالة

لسه بحاول افهمها .. يمكن ابطل افتكرك وقتها

وساعتها هلاقى نفسى تانى اللى كنت بدور عليها .....

_معنديش استعداد البس ماسك زى باقى الناس اللى بتحاول تتجمل ومتبعة مبدأ .. انى لا اكذب ولكنى اتجمل .. لاحساسى

بانى صح وبانى حد مختلف .. لانى بحاول اكون _انا_ مش كوبى من حد

ولان احساس التميز .. ليه متعة خاصة ..

Moda !!

من كام يوم لما خالد سعيد _الله يرحمه _اتوفى

كلنا بكينا ع اللى حصل والصور اللى شوفناها

كلنا بندعيله ان ربنا يرحمه وان دمه ميكونش رخيص زى اى حد قبله

كلنا عبرنا عن اللى جوانا ب مظاهرات او ببوست اتكتب او بدعاء ...

باختصار .. كلنا متضامنين مع القضية بتاعته ودا الطبيعى يعنى .

اللى مش طبيعى بقى 

انى اشوف حد متضامن مع _عمرو _الشاب اللى انتحر من اجل الحب

اللى قرر انه يتخلى عن حياته وانتحر عشان مش قادر يعيش مع حبيبته

!!!!

بنوتة ف الجامعة وقررت انها تنتحر عشان مشاكل الحب..

شوفتها امبارح قبل امتحانى بسااااعة ولقيت ايدها الشمال مربوطة 

وبتقول انها اخدت 6 غرز فيها واهلها لفوا ع كذا مستشفى عشان يلاقوا دكتور جراحة

وانقذها ع اخر لحظة .. قضاء ربنا وقدره

مش اول مرة اعرف ان فى ناس بتنتحر عشان حب او غيره .. مكنتش مستغربة اصلا

بس اللى احبطتنى اكتر انها بتقول ان دى مش اول مرة

وان مفيش بجد حاجة تستاهل انها تخسر حياتها عشانها !!

طيب الكلام دا كان فين قبل كدا لما حاولت كذا مرة وربنا انقذها ؟؟

مكتشفتش دا غير بعد ما ربنا وبعده الدكتور انقذها ونزلت تمتحن ! 

هو دا عااااااادى ؟!!

حاجات واحداث كتيرة بقت بتجيب احباط وبتضيع الامل ف ثانية 

الحمد لله .. املى ف ربنا عمره ما هينتهى

لان مهما الليل بيطول .. بيكون وراه نهار  .

ياااااارب اهدينا وارحمنا ..

Tag mn 3amo el_safa7 ..

تصدق العنوان لوحده يخض

ثانكس ع الهدية الجميلة دى :) 

انت مين بقى ؟
انسانة تعيش وبتحاول تتعايش

Silver Eyes
 
عندك كام سنة؟
انا لسه قطة صغيرة ;)

كلها 4 شهور واوصل ل سن اليأس ' 20 سنة' D:

هل انت متزوج ؟
تؤ

دراستك ايه؟
اداب ..انجليش  

كم طولك وما لون بشرتك؟
نفسى افهم ايه علاقة السؤالين ببعض

طولى .. مش عارفة كام بالظبط بس الطول العادى
لون بشرتى .. فوحلوقى D:

هل تمارس عملا بشهادتك او عمل حر وما هو؟
لاء  انا حاليا لسه باكل عيش فى الكلية
بس كلها سنة واشتغل نفسى :)

ماذا تفعل بوقت فراغك؟
بدخل نت .. بأنتخ ..  بقرأ .. بناام

هل لديك هوايات وهل تمارسها؟
القراية والكتابة الى حد ما شوية .. بسرح بخيالى للعالم بتاعى

هل تشعر برضا ربنا عنك؟
بنسبة معقولة .. اه
 
عندما تكون فى موقف اتخاذ القرار..تخالف الجماعه.. ام تشرك معك الاخرين؟
قرارى دايما من دماغى طالما شايفة انه صح .. مش باخد برأى حد غير لما يكون قادر يقنعنى بيه

ماهو الشىء الذى فعلته وندمت عليه طول عمرك؟
عرفت شخصية من اجمل الناس اللى ممكن تقابلها ف حياتك .. من فترة وندمت انى عرفتها يمكن
لانى ما استاهلش انى اعرفها :(

وندمت ع تضييع وقتى فى حاجات كتير ملهاش لازمة .. بس بتخلص من الاحساس دا بسرعة 

هل تصارح غيرك بالحقيقة ام تقول له ما يحب سماعه؟
اللى يحب يسمعه .. لاء يبقى اكيد من حد غيرى .. كل حاجة ليها طريقة تتقال بيها من غير ما تجرح اللى قدامك او تدايقه بس لازم تصارحه .. وانا بعمل كدا

متى يقسو قلبك؟
لما حد يبيعنى .. !!لم

من هو اول من قلت له احبك ؟

قولتها بتصرفات وبمشاعر لناس كتير 

 
هل يمكن ان تحب احد من المدونين؟
معتقدش لانها لو علاقة ع النت فاكيد مرفوضة .. غير كدا بقى الله اعلم

ماذا تعنى لك المرأة والرجل؟
المرأة .. لوحة فنية متكاملة من الحنان والحب والتضحية والعطاء

الرجل .. الحضن الدافى والامان والاحتواء لكل دا

فى زمن البحث عن المادة ماذا تبحث انت؟
بدور ع نفسى .. رضى ربنا عليا

متى تعرف انك تحب؟
لما احس انى طايرة فوق السحاب :)

الشخصية التى اثرت بحياتك؟
كل حد بقابلوا يوميا بتاثر بيه لو شوفته بيعمل حاجة غلط فمش بحاول اعملها ولو حاجة كويسة 

بحاول اعمل زيه .. وف الفترة الاخيرة كان المعيد بتاعى اثر ف حياتى بشكل كبير اوى بطموحه واصراره  ..

هل يوجد من تراه سعيدا فى الدنيا ولماذا؟
اه كتير .. لان مفهوم السعادة بيختلف من حد للتانى

ماهى درجة صراحتك؟

صريحة بدرجة كبيرة لما احس ان اللى قدامى هيتقبلها ويفهمها بشكل صح

ماهى المواقف التى يمكن ان تكذب فيها؟
بقى قليل عندى اوى موضوع الكدب دا .. بس بعض المواقف بتتطلب دا يمكن عشان اهرب وبس

هل يتغير الحب بعد الزواج؟

معظم الناس شايفة ان الزواج نهاية للحب فبالتالى بيتغير 

هو فى كل الاحوال بيتغير .. 

على حسب ارادة الطرفين.. ممكن يوصل لدرجة العشق او الكره 

فيما تفكر الان ؟
بفكر هفكر فى ايه لما انام D:

هههههههه بفكر 24 ساعة

لو لم تعش بمدينتك ..فأى مدينة تفضل ان تعيش بها؟
لبنان ..   دا ف الواقع

ف الخيال.. فاكيد اليوتوبيا

من اول من يأتى ببالك لتحكى له اسرارك؟
مش كتير بس اولهم : بسنت

من هو الد اعدائك ؟

الكسل :(

من هو صديقك؟
ناس كتيرة اوى .. بس القريبين .. قلة
اتنين منهم مدونين : هاجر ومشمش .

ماذا تكره فى الحياة؟
الغبااااااااااااء البشرى .. وبكرهها لما بحس انها ضاقت عليا اووى

ماذا تحب؟
الناس اللى ينفع نقول عليهم بنى أدمين بجد ..

كيف تواجه ما يضايقك وكيف تتصرف فى المفاجأت ؟
لما بضايق او اكون زعلانة .. بنام ,مش بعرف اهدى غير كدا 

وبعدها بحاول افكر واتصرف بشكل صح.

المفاجأت .. لو حلوة ببقى مبسوطة اوى

ولو العكس .. باخد فترة طويلة  لما افوق واستوعب


التاج ده هديه لـ

 هاجر زعبل http://hagerza3bal.blogspot.com/

نظريات تحتاج الى اثباتاتhttp://lifewillcontinue.blogspot.com/  

تعبت بجد http://ta3bitbegd.blogspot.com/

 ابو على http://sm3hos.blogspot.com/

روح طفلة مش عايزة تكبر http://justbabygirl.blogspot.com/ 

ساسو كافيه http://saharcaffe.blogspot.com/