Just Words .. 7

مش حِملها ..

Just Words .. 6

كل اللى كـبّرونى
إنتوا ليه عملتوا فـيّا كده ؟
!!
.....

هيثم دبور ..

شخابيط ..

التفاصيل الصغيرة بتكمّل التفاصيل الكبيرة .. و وقتها الصورة بتوضح أوى
بس أنا كنت مُصرّة انى مشوفش .. أصل كان لسه جوايا أمل وحبة نور
مكنتش عايزة اخسرهم .. بس حصل غصب عنى
والنتيجة .. الحلم اتكسر .. !
...

شر لابد منه .. وسنة الحياة .. الوجع
مينفعش نعيش من غيره .. لان مش هيبقى فيه صراع ..
والحياة عمرها ما هتمشى على وتيرة واحدة
يمكن عشان كدا بنستحمل عشان فى راحة بعد تعب كبير
هىّ الحياة كدا
فيها ابتسامة .. وفيها آه ..

...
‘ أحلامى صبحت بور .. ممنوع عليها الضى ‘
ينفع المرة دى بس ما تحسسنيش انى عبء وحمل تقيل عليك .. ينفع ؟
ما تخلينيش أقول كدا .. أو ألعن طموحى
أرجوك .. خلينى أتنفس المرة دى بس .. يمكن ما أموتش
شوفنى كبيرة ومسئولة عن قراراتى وادينى فرصة انى اختار ..
هتحمل عواقب دا لوحدى مهما كانت .. صدقنى مش هخذلك
بس .. ما تخلينيش أموت ..
...

الكتابة ساعات بتوجع .. بس كتير بتريح
وأنا محتاجة أتكلم .. بس مفيش حد هيسمع
حتى لو صّرخت
مش لاقية حل غير انى أكتب .. بس ياريت الكلام يطاوعنى كل مرة ويتكتب
...

دعوة حلوة بتتحقق .. شِعر .. صفـــاء .. صلاة .. هدية الهية
هروب مصحوب بالخوف .. وطمأنينة مع ابتسامة الدنيا مش سايعاها
حبة هــــوا .. :)

والله بعودة ..

  أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ )

وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ

وَأَن تَصُومُواْ خَيْرٌ لَّكُمْ إِن كُنتُمْ تَعْلَمُون )  .. البقرة
 
...
رمضان كريــــم
كل سنة واحنا دايما طيبين وبخير يارب
و الى الله أقــرب
رمضان جنّــــة
:-)

 

Nostalgia ..

ابتسامة أخيرة ..

وكإنى فراشة بياخدها الهوا .. لبعيــــــد !

..

فاكرة لما كنتى جميلة بجد .. مش من بعيد أووى .. !

الصورة الجميلة ليكى جوايا اتكسرت خلاص .. ومهما حاولت إنى أجمعها تانى

هتتكسر أكتر وهتجرحنى .. فــ أرجوكى خليكى بعيد .

..

بيت من غير روح وصورة باهتة أوى ... 

..

21 June 2011

كُليتى .. آخر يوم

برغم كل حاجة مش حلوة حصلت فيها .. سيبت كل حاجة

وأخدت ذكرى وحيدة بس

وقبل ما أمشى سيبت ابتسامة بجد من قلبى

لإنى محبتش إن كل حاجة تموت .. حتى أنا .. :)

عتمــــة ..

عمرك سافرت الفجر عمرك بكيت
عمرك شقيت من غنوه تسمعها
عمرك لقيت نفسك
ومديت لها خطوة صبا

.. فؤاد حداد

...

خبايا النفس تظل فى النفس ,

وآلامى تظل لى وحدى

مادامت لا يفهمها أحد

.. محمد حسن علوان

...

الغربة فينا .. جوانا أو برانا .. فينـــــا !!

 ...

حد زيي بعد فترة إزاى يصدق غير عينيه؟

..نفسي أوصل للحقيقة.. قبل ما أوصل للنهاية..

نفسي أشوف صورتي الدَقيقة.. ولو دِقيقة.. ف المرايا

 .. مصطفى ابراهيم

...

كل اللى ناقصك

عشان تضحك

بجد

من قلبك ..

وسط الهموم الكتير

اللى بتبكىّ

يطلعلك ..

هم واحد

بيضحّك ...

.. خالد كساب

...

كل مساء تتمنى أن تنام للأبد ولا تصحو مجدداً

وتتسائل كل صباح عن سبب صحيانها ..

يتوقف تفكيرها الشارد للحظة .. تستغفر

وتقرر النهوض للتظاهر بالحياة مرة أخرى ..  !!

 ...

الحزن .. لازم ياخد وقته ويخلص زى أى حاجة تانية

بس دايما فى شعرة بين انه يخلص لما ياخد وقته

أو إنك تستسلم لجاذبيته 

ياريت ما تتقطعش .. !! 

فوضى ..

نفسى ابقى زى النسر 

,قوية ومش عايشة على الارض 

نفسى اطيــــــــر.. بحلم ...
...

عارفة يعنى ايه كل ما حد يفارقك , ياخد جزء من روحك معاه

ودا بس عشان بتخلصى فى حبك بزيادة

طيب عارفة دا بيوجع ازاى .. بيوجع مش بيألم !!

 ...

حاسة انى بجرى أوى بس .. ل ورا

وماسكة الهوا فى ايدى ..

!! 

...

كانت موجودة زمان بس بدأت تقل وتقل وتقــ ... لأ, كفاية بقى

هتحدى نفسى تانى عشان أرجع ثقتى فيها ..

...

بستقوى بيك يارب .. يارب نور لى بصيرتى .

...

 كنت وما زلت أجمل حاجة فى دنيتى .. بس براها .. !

...

الناس فعليا ما اتغيرتش بعد الثورة كتير

ما اتغيرتش من جوا بجد .. مجرد رتوش 

وحاجات سطحية جدا مش باينة أوى

حتى أنا للأسف .. ما اتغيرتش فيا حاجة ملموسة بجد  

مستنيين ايه تانى .. مش عارفين نبدأ منين !!

...

التعامل مع الناس مش _ البنى أدمين _ لانها تفرق كتير,

بقى متعب أوى .. والبعد عنهم كذلك

وانك تختار تتعامل مع بنى أدمين نضاف من جوا بجد

معادلة صعبة بس دا الأصعب الأجمل ..

 ....

يـــــا رب ..

نسينى لو حلم وراح  

...

Just Words .. 5

يــــارب نفسه فى ضحكة صغيرة

..

وبعدين يمـــوت

....

للمطر حكايات أخرى ..

 

لأنَّ الصباحَ فقدَ لهفَتَهُ

لأنَّني تجاوزتُ رغبتي

وأفرغتُ الكلامَ من كراكيبِهِ الكثيرة

لأنَّني بلا أصدقاء

قلبي وردةُ ظِلٍّ

جسدي شجرةُ غياب

لأنَّ الحبرَ ليسَ دمًا

لأنَّ صوري لا تشبهُني

والقمرَ المعلَّقَ في الخزانةِ لا يصلحُ قميصًا لروحي

لأنَّني أحْبَبْتُ بصدقٍ لا قيمةَ لَهُ على الإطلاقْ

وفقطْ حينَ انكسرتُ

أدركتُ حجمَ المأساةِ

لأنَّ هذه المدينةَ تذكِّرُني

بصوتِ امرأةٍ أعجزُ عن نسيانِ انكسارِها

لأنَّ اللهَ واحدٌ والموت لا يُحْصَى

ولأنَّنا لم نَعُدْ نتبادلُ الرسائلْ

يُحْدِثُ المطرُ

في الفراغِ الذي بينَ قطرةٍ وأخرى

هذا الدويَّ الهائل..

                                                     سوزان عليوان ,, كراكيب الكلام

....

عدت سنة .. هنا :)
 

لـــــو سألتك انت مصرى .. تقولى ايه ؟؟

إذا الشعب يوما أراد الحياة ..فلا بد أن يستجيب القدر
ولا بد لليل أن ينجلي .. ولابد للقيد أن ينكسر

..

الجمعة

11/2/2011

يوم لازم يتسجل ويتدون فى تاريخ كل مصرى

أعظم وأحلى يوم فى تاريخنا بجد

..

مبروك لكل أم شهيد دم ابنها مراحش هدر وحقها رجعلها

مبروك لكل مصرى بيحب بلده وبيعشق ترابها وكل حاجة فيها

مبروك لكل مصرى كان عنده يقين وثقة فى ربنا وانه هينصرنا

مبروك لحريتنا وكرامتنا 

..

مبروك علينا مصرنا وجنتنا وبلدنا

..

الحمد لله حمدا كثيرا طيبا مباركا فيه

مبروك علينا حياتنا الجديدة وبكرا 

هيبقى احلى 

عشان بقى بتاعنا

..

بحبــــــــــك 

ღ

باختصــــــــار ..

قالها فهمى هويدى :

كلـــنا ميدان التحريــــــــــــر

..

:))))

لما تقوم الصبح لوحدك
فايق أوى
فرحان..
والدنيا بتاخدك بالحضن
من غير لف ودوران..
وإنه كمان مسموح لك تحلم
وبدون استئذان..
لما تحس بروحك طااايرة
وبتقرب منك
وقلبك رغم الحزن يقولك
مش زعلان منك..
وإنك لسه بتقدر تعشق
وإن الكلمة بتطلع سهلة
مش غصب عنك..
وإن حياتك كلها تفرق
عن كام ساعة فاتوا..
وإن النقط السودة ف توبك
اختفوا أو ماتوا..
وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة

جميلة ..
ومابتحصلش كتير.. 

.....

الحمد لله

حساها أووى 

:) 

قدر .. ام زلـــة قدم !!

مازلت أتساءل بعد كل هذه السنوات .. اين اضع حبك اليوم ؟

أفى خانة الاشياء العادية

التى قد تحدث لنا يوما كأية وعكة صحية..

أو زلة قدم أو نوبة جنون ؟

أم اضعه حيث بدأ يوما ؟

كشئ خارق للعادة .. كهدية من كوكب

لم يتوقع وجوده الفلكيون..

أو زلزال لم تتنبأ به أية

اجهزة للهزات الارضية ..

..

أكنت قدر .. أم زلة قدم !!

                   احلام مستغانمى ..