Sunday, July 25, 2010

مجرد كراكيب ..

 N.B : فضفضة شخصية كالعادة .. ليس إلا .


_ صعب اوى انك تكون كبير فى نظر حد يهمك .. وتصغر نفسك قدامه وتخذله .

_ نفسى ابطل اضحك واكدب على نفسى وافضل طول الوقت ارسم ابتسامة 
  كبيرة ع وشى وانا مش حساها وملهاش اساس ..

_ ساعات لما تحب حد اكتر من نفسك .. دا بيرجعك لورا اووى
  'كان عندِك حق' ..

_ ماشية بدماغى عكس كل الناس بس مقتنعة بنفسى كدا
  واحساس الاختلاف بيرضينى ..

_ رمضان قرب .. مبسوطة بس السنة دى بالذات مالوش روح ومش حاسة بيه :(

_ لسه الحاجات الصغيرة بتفرحنى جداا وبتخلينى طايرة ....

_ اكيد الدنيا لسه بخير .. اكييد اكيييد

_ اتعودت ان كل حاجة حلوة فى حياتى .. مبتكملش
  غير _بس_ فى خيالى واحلامى ....
 
 _ فى ناس فى حياتك لما بيعدوا بيسيبوا بصمة عادية يمكن سطحية
  وناس اكتر بتتمنى تمحى اى اَثر لبصماتهم حتى لو كانت احلاهم ..

_ بقيت بحس ان شخصيتى معقدة .. متناقضة كتير وبعض الناس اثبتتلى دا

_ نفسى انسى ذكرياتى فى الفترة دى الحزينة والمفرحة
  وكل ما بحاول بفتكرتفاصيل اكتر ..

_ مبقتش فهمانى..حسانى ..او لاقيانى .. باختصار'احساس بالضياع والتوهان'
  بكره الاحساس دا اووووى ..

_ حاسة انك لوحدك وعاجزة عن انى اعملك حاجة .. حاولت كتير اقرب 
  واكسر حاجز العلاقة السطحية اللى بينا .. بس الظروف زودت البعد
  بينا واجبرتنا عليه ..
  كنت اتمنى نكون صحاب مش مجرد اتنين اسمهم اخوات وبس ..  
 

17 Ur opinion:

Ramy said...

سيلفر

انتى عارفة شعور ان انت متصغرش قدام حد بيحبك دة بيخلينى احاسب على كل تصرفاتى علشان برضة مصغرش قدام نفسى

لا متبطليش ابتسام انا بأبتسم فى أحلك الظروف دة يخفف عنك حدة المواقف و يدى انطباع للقدامك ان انتى مطمئنة و يسهل الموقف قدامك

وانا ماشى بدماغى بس أهم حاجة متضريش نفسك يعنى متقوليش مدام انا مبضرش حد خلاص

لأن اى شيىء هتعمليه بيأثر على عيلتك اولا مهما لو مأثرش دلوقت

انا مختلف فأنا موجود و أدون (:(:(:

كل سنة و انتى طيبة و يعدى عليكى فى احلى حاجة و احلى وقت عن كل سنة ان شاء الله قولى امين

فرحك بالحاجات الصغيرة يدل ان انتى انسانة رقيقة و راقية (: بجد

لالا لو ان الحاجة الحلوة دى مكملتش صدقينى يمكن لو كملت يمكن كنتى كرهتيها
انا بقولك كدة و انا أخدت وقت كبير علشان اسيطر على احساسى بده (:

دة الطبيعى طول ما احنا عايشين هنقابل ناس كتير منهم اللى تأثرهم ايجابى و منهم اللى تأثرهم سلبى و لكن أحنا استفدنا من مين فيهم مين اللى أثر فينا السلبى ممكن يكون اثر فينا لكن مع الوقت بيروح و بننساه و بنتعلم شيىء ايجابى برضه حتى من الأشياء السلبية صدقينى دة بيحصل

الأحساس دة بيجى وقت كدة و يروح لما تبتدى تنظمى افكارك من الأول تانى و هنا هتبتدى تلاقى نفسك

جينا لأهم نقطة بقى

شوفى اوعى اوعى اوعى تفوتى فرصة انتى تساعدى اختك حتى لو بنكم اختلافات الدنيا كلها حتى لو مش منسجمين نفسيا مع بعض
صدقينى شعورك بدة هيتعبك اكتر من أى شعور تانى

هتقولى دة صعب

لالا مش صعب انا كدة مع اخويا

انا عارف كل مناقشة معه بتنتهى بخناقة بس لازم اكون جانبة لازم اكون عملت اللى ضميرى لازم اعمله علشان بعد كدة مقولش كان فى ايدى شيىء و مقدمتوش

سيلفر عيلتك اهم شيىء فى حياتك

ربنا معاكى و يوفقك

و كل سنة و انتى طيبة رمضان كريم
اة تانى
(:(:(:

يا رب مكنش عكيت

Ramy said...

سيلفر

انا علقت تعليق كبير شوية مش عارف وصل و لا لأ

مجرد رد ع الكراكيب :) said...

في كل النقط ديه بتتكلمي عني اوي يا سارة

ماعدا النقطة الاخيرة لأني كسرتها امبارح وقربت لاخويا اووووي..وهوا كمان سمعني..احساس حلو اوي


عشان منساش بس ..انا رضوى

لما احس اني مش قادرة اكتب بيتهيألي هاجي اغش منك شوية احاسيس وفضافيض كده..بس بحاول ملجأش للطريقة ديه وبنسي نفسي وبضحك برضه :)

Ana keda said...

حبيبتى
كلنا هذا الرجل والله
ولو اقولك ان كل الاحاسيس دى هتيجى فترة وتعدى يبقى مش بكدب
مسيرك تلاقى نفسك ولو حتى فى حتة ضيقة وهتمسكى فيها لانها اغلى حاجة عندك
دورى عليها تانى وتالت وحبيها لو انتى محبيتهاش محدش هيحبها ادك
اجمدى كده

د.آيه said...

_ نفسى ابطل اضحك واكدب على نفسى وافضل طول الوقت ارسم ابتسامة
كبيرة ع وشى وانا مش حساها وملهاش اساس

أعتقد انك المفروض تخليها موجوده سواء حساها و لا لاء .. لإنها أكيد هتشجعك انك تحسيها
مدونتك جميلة

Silver Eyes said...

Ramy :

انا مختلف فأنا موجود و أدون (:(:(:
تصدق حلو الشعار دا ;)

وانت طيب يا رامى
ربنا يخليك ع ذوقك بجد
اللهم اميييييييين

بالنسبة لاخر نقطة
دا اخويا الوحيد .. يمكن لو كانت بنت (اختى يعنى)كان يبقى اسهل
بس بقينا كل واحد فى مكان
ومحاولاتى كلها باءت بالفشل :(
عموما يارب ميفضلش الوضع كدا كتير

سعيدة جداااا جدا بكومنتك
وبالنصايح اللى فى وسط الكلام
ميرسى اووى يا رامى بجد
وانت طيب وبخير دايما يارب

حاجة ع جنب : كل سنة وانت طيب وبخير يارب
..
معلش جت متاخرة شوية بس انت السبب ع فكرة :D
نورتنى جداااا يا رامى :):)

Silver Eyes said...

Roudy :

وانا كمان ساعات كتير بلاقى نفسى عندك اووى

حافظى ع الاحساس دا يا رودى
لان غيرك مش قادر يوصله للاسف ..

البلوج وصاحبتها تحت امرك دايما ;)
وانا شكلى هفضل ناسية نفسى وبضحك ع طول

يارب اشوفك مبتسمة وسعيدة دايمااااا
ميرسى يا حبيبتى ع الكومنت
نوورتينى :)

Silver Eyes said...

Ana keda :

دورى عليها تانى وتالت وحبيها لو انتى محبيتهاش محدش هيحبها ادك

الجملة دى اتقالتلى كتيييير الفترة دى
وعشان مش بعمل كدا
رجعت لورا اوووى

كل مرة بقولك حاضر هجمد وهبقى اقوى بس
نو وااااى
حاضر بردو :D

يارب الفترة دى تعدى ع خير بسرعة
ربنا يخليكى ليا يا ميرو
ميرسى جدا :)

Silver Eyes said...

د.آيه :

الابتسامة غصب عنى بقت موجودة دايما
سواء حساها او لاء
:)

نورتينى بالزيارة يا دوك
وميرسى كتير ع المجاملة الجميلة :)

The illusionist said...

_ صعب اوى انك تكون كبير فى نظر حد يهمك .. وتصغر نفسك قدامه وتخذله .






اه
دى صعب
متاكد منها
جربتها وفعلا شعور زباله
ان حد يبقى مالى ايده منك
وفجاه
ينصدم
بس لو فى محاوله تانيه جربى
يمكن الرهبه
يمكن عدم ثقه







_ نفسى ابطل اضحك واكدب على نفسى وافضل طول الوقت ارسم ابتسامة
كبيرة ع وشى وانا مش حساها وملهاش اساس ..


لو ربنا فعلا مكنش عاوزك تفرحى
كان نكد عليكى
الفرح والحزن شئ نسبى
الحزن منتشر
والفرح قليل قوى
الحزن سهل
والفرح اسهل
بس الحزن ليه مود وطعم غريب
زى نشوف الواحد وهو بينتحر
وبينط من فوق برج ايفل
اللى عاوز اقوله هنا
انك ممكن تحزنى اه
وممكن تفرحى
برضو اه
كلو بايدك
بس اهم حاجه
تعملى اللى حساه
ومتقنعيش نفسك انك بترسمى ابتسامه
ابتسمى بجد
نفس الاستايل مبيعمرش
مفيش فرح دايم
بس مفيش حزن دايم
افتكرى كده
واعرفى انك بتفرحى من قلبك
بس مبتقنعيش نفسك
افتكرى لما فعلا فرحتى من قلبك
وضحكتى من قلبك
بس اقنعتى نفسك انو مش من قلبك
اسالى نفسك ليه
بتقنعى نفسك بكده ؟






_ ساعات لما تحب حد اكتر من نفسك .. دا بيرجعك لورا اووى
'كان عندِك حق' ..




لا مبيرجعش لورا
بس اعتقد بيتعب لما بينصدم فيه
الايثار مش صفه بترجع لورا
الخيانه هى اللى بترجع لورا
يبقى الصح هنا
ساعات لما بتنصدم فى حد
والصدمات مفيش اكتر منها
ولا هو العلام والخبره بالساهل
هه يا تنت




_ ماشية بدماغى عكس كل الناس بس مقتنعة بنفسى كدا
واحساس الاختلاف بيرضينى ..




يا عم اجرى العب بعيد
كلو بيقول كده
الشعب المصرى كلو ماشى بدماغ
انتى سبرايت يعنى وانا ديو ماونتن قوى قلبك
كل واحد فى الدنيا دى ليه دماغه
بس انتى اكيد دماغك مش مختلفه
ولا عشان بزمتك هما معترضين على حاجات بتعمليها
كده انتى مختلفه
يعنى انتى مختلفه
وانا مختلف
كويس
احنا مبسوطين
وكلنا مختلفين ومتجمعين فى مكان مختلف
ابسطى
مبقتيش مختلفه




_ رمضان قرب .. مبسوطة بس السنة دى بالذات مالوش روح ومش حاسة بيه :(



بطلوا قرف واحباط بقى
قالولى كده على كاس العالم لحد يوم النهائى
كنت كاره نفسى
اقولك على حاجه كويسه
طبعا مش هتعمليها
بس هقولها
اعملى حاجه قديمه
كانت بتحصل فى رماضانات قديمه
عاده ونسيتوها
مكان كلتوا فيه ونسيتوه
مفيش اجمل من القديم
الحياه القديمه كانت تحفه
رجعى جزء منها وهتحسى بروح رمضان





_ لسه الحاجات الصغيرة بتفرحنى جداا وبتخلينى طايرة ....




اكيد انا منهم
عشان الاب الروحى لما يزور ولاده
بيبقوا طايرين
ولا ايه ؟؟!!

The illusionist said...

ماشية بدماغى عكس كل الناس بس مقتنعة بنفسى كدا
واحساس الاختلاف بيرضينى ..




يا عم اجرى العب بعيد
كلو بيقول كده
الشعب المصرى كلو ماشى بدماغ
انتى سبرايت يعنى وانا ديو ماونتن قوى قلبك
كل واحد فى الدنيا دى ليه دماغه
بس انتى اكيد دماغك مش مختلفه
ولا عشان بزمتك هما معترضين على حاجات بتعمليها
كده انتى مختلفه
يعنى انتى مختلفه
وانا مختلف
كويس
احنا مبسوطين
وكلنا مختلفين ومتجمعين فى مكان مختلف
ابسطى
مبقتيش مختلفه




_ رمضان قرب .. مبسوطة بس السنة دى بالذات مالوش روح ومش حاسة بيه :(



بطلوا قرف واحباط بقى
قالولى كده على كاس العالم لحد يوم النهائى
كنت كاره نفسى
اقولك على حاجه كويسه
طبعا مش هتعمليها
بس هقولها
اعملى حاجه قديمه
كانت بتحصل فى رماضانات قديمه
عاده ونسيتوها
مكان كلتوا فيه ونسيتوه
مفيش اجمل من القديم
الحياه القديمه كانت تحفه
رجعى جزء منها وهتحسى بروح رمضان





_ لسه الحاجات الصغيرة بتفرحنى جداا وبتخلينى طايرة ....




اكيد انا منهم
عشان الاب الروحى لما يزور ولاده
بيبقوا طايرين
ولا ايه ؟؟!!




_ اكيد الدنيا لسه بخير .. اكييد اكيييد




طبعا
والا مكنش فى شاب زى الورد زى
خلى نفسه اب روحى
عشان سيادتك
ومكنش جه وقال بصوت عالى
انا بتشل من النحنحه والحيحنه والكلام الكداب بتاع اللى بيعلقوا
هههههههههههههههههههههههههه
مش تعليقاتك
افهمى بقى

The illusionist said...

_ اتعودت ان كل حاجة حلوة فى حياتى .. مبتكملش
غير _بس_ فى خيالى واحلامى ....




ولا فى حياه اى واحد
عارفه هتكمل امتى
لما حد يبقى جنبك فيها
اصل الحلو مبيتحسش الا بالمشاركه
والخيال مخدر جميل
بيخلى كل وحش حلو
هيكمل كل حلو عندك
بس اصبرى







_ فى ناس فى حياتك لما بيعدوا بيسيبوا بصمة عادية يمكن سطحية
وناس اكتر بتتمنى تمحى اى اَثر لبصماتهم حتى لو كانت احلاهم ..




اه اكيد
ده شئ يخصك
مش عاوز افتى فيه
بس فعلا اللى قال
ان الحب اللى بعده عاوه
عمره ما يرجع حب تانى
مغلطش
بسبب البصمه دى




_ بقيت بحس ان شخصيتى معقدة .. متناقضة كتير وبعض الناس اثبتتلى دا




يا ماما احنا شباب
التناقض هو قانون على جبيننا
مبحبش اقول انا
بس عادى
كنت بحفظ قران وبأم الناس فى الجامع
فجاه بسمع اغانى
فجاه سياسى
فجاه اهبل
ده التناقض
ده اختلاف الراى والفعل وكل حاجه
ده طبيعى
والنبى متحسسينيش انك من كوكب تانى
كلنا كده
تفاعلى مع ابناء كوكبك
اللى زيك
ووهتعرفى انك طبيعيه
واراهنك
ان اللى بيقنعك بكده
اما حد كبير
او ناس تافهين وصغيرين سنا
ومبيفهموش
لان اللى بيفهم
هيقولك كده
يبقى انا كده بفهم
ههههههههههههههههههه





_ نفسى انسى ذكرياتى فى الفترة دى الحزينة والمفرحة
وكل ما بحاول بفتكرتفاصيل اكتر ..






تصدقى ده نفس اللى اتمنيته فى البوست اللى فات
ونسيت حاجات كتير
بس المفرح مع الوحش حلو
احسن ما فجاه تبتلى انك تنسى المفرح من كتر الوحش
نعمه النساين حلوه
بس صدقينى
تذكر بعض الاشياء بيبعث فى نفسيه الواحد حنين لحاجات هو نسيها
زى ذكريات الجد والجده
انما الذكريات الجديده
معظمها تجيب الغم
بلا خيبه

The illusionist said...

_ نفسى انسى ذكرياتى فى الفترة دى الحزينة والمفرحة
وكل ما بحاول بفتكرتفاصيل اكتر ..






تصدقى ده نفس اللى اتمنيته
ونسيت حاجات كتير
بس المفرح مع الوحش حلو
احسن ما فجاه تبتلى انك تنسى المفرح من كتر الوحش
نعمه النساين حلوه
بس صدقينى
تذكر بعض الاشياء بيبعث فى نفسيه الواحد حنين لحاجات هو نسيها
زى ذكريات الجد والجده
انما الذكريات الجديده
معظمها تجيب الغم
بلا خيبه




_ مبقتش فهمانى..حسانى ..او لاقيانى .. باختصار'احساس بالضياع والتوهان'
بكره الاحساس دا اووووى ..




احساس زى الزفت
بس متياسيش
هسيب هندسه وافتح عياده
واعالجك
بس ابوس ايدك
اهم حاجه
متكبريش الاحساس
بدل ما تقولى احساس بالتوهان والتشتت والضياع
قولى مثلا
احساس غريب كدهو
بس هيروح
عشان يروح
ميبيتش عنديكون





_ حاسة انك لوحدك وعاجزة عن انى اعملك حاجة .. حاولت كتير اقرب
واكسر حاجز العلاقة السطحية اللى بينا .. بس الظروف زودت البعد
بينا واجبرتنا عليه ..
كنت اتمنى نكون صحاب مش مجرد اتنين اسمهم اخوات وبس



ممممممممممممممممم
مش فاهم ومش هحاول افهم
بس بمسى عليكى يا سلفرتى


رريميمبر

انا

the godfather

remember that

bye ya loza

Hager ZaǮbal said...

_ صعب اوى انك تكون كبير فى نظر حد يهمك .. وتصغر نفسك قدامه وتخذله .

وكمان هخذل نفسي ..
بس احنا مش بنكون واخدين بالنا اننا هنوجع نفسنا احنا كمان عشان الحد ده يهمنا ..
بس،
عارفه يا ساره ، ساعات بنوجع نفسنا ونجرحها عشان نفضل كبار في نظرهم ..!

...


زمان .. كنت بقول انني هضحك يمكن ألاقي ضحكه حقيقيه وسط الضحف المزيف ..
بس مش عارفه ليه دلوقتي مبقاش عندي قدره انني اعمل كده ..
وحتي لما بحاول اضحك او ابتسم وانا متضايقه بقي القريبين منني يحسوا قد ايه هي ابتسامه صفرا ماسخه .. ومالهاش طعم ..

المشكله كلها ان ممكن وسط الزيف ده ننسي طعم الابتسامه الحقيقيه !

طيب ليه منشفش لاي حاجه وحشه جانب جميل عشان يخلينا نبتسم بس ساعتها هنبتسم من قلبنا بجد ؟!!


...


_ ساعات لما تحب حد اكتر من نفسك .. دا بيرجعك لورا اووى ..

هفضل طووول عمري مقتنعه بكده طوول م اللي قدامي مش بيحبني زي ما بحبه ..

عارفه،
ماما كانت بتقوللي زمان
انتي لو محبتيش نفسك اوي مش هتعرفي تحبي الناس بجد
ولو حبتيهم بجد مش هيحبوكي !!


...


_ ماشية بدماغى عكس كل الناس بس مقتنعة بنفسى كدا واحساس الاختلاف بيرضينى ..

اهم حاجه انك تبقي راضيه عن نفسك حتي لو الدنيا كلها شايفاكي غلط ..


...


_ رمضان قرب .. مبسوطة بس السنة دى بالذات مالوش روح ومش حاسة بيه :(

متحكميش عليه قبل ما يجي يا ساره
وبطلي التشاؤم ده :@


...


_ لسه الحاجات الصغيرة بتفرحنى جداا وبتخلينى طايرة ....

لسه التفاصيل البسيطه دي بتفرق معاكي .. لسه جميله زي مانتي :)


...


_ بقيت بحس ان شخصيتى معقدة .. متناقضة كتير وبعض الناس اثبتتلى دا

كلنا كده علي فكره ..
احنا بشر ..
اقولك، اسمعي اغنية انسان لبلاك تيما ..


...


_ فى ناس فى حياتك لما بيعدوا بيسيبوا بصمة عادية يمكن سطحية وناس اكتر بتتمنى تمحى اى اَثر لبصماتهم حتى لو كانت احلاهم ..

عشان في حياتنا بنفابل ناس و نااااااس ..
ربنا يوقعك في الناس اللي بجد :)


...


_ حاسة انك لوحدك وعاجزة عن انى اعملك حاجة .. حاولت كتير اقرب واكسر حاجز العلاقة السطحية اللى بينا .. بس الظروف زودت البعد بينا واجبرتنا عليه .. كنت اتمنى نكون صحاب مش مجرد اتنين اسمهم اخوات وبس ..

مش عارفه اعلق اقول ايه
بس،
حاولي تقربي منها اكتر ..
او سيبي الايام تقربكوا .. في حاجات في حياتنا يا ساره مينفعش نخطط لها ..
زي مثلا مينفعش اقول فلانه دي هتبقي انتيمتي ، عشان ساعتها بتبقي علاقه غلط 100%
لكن فجأه بتلاقي نفسك قربتي من حد وارتحتيله وحسيتي انهلا فهماكي والعلاقه بتتطور مع الايام ..



...


_ مبقتش فهمانى..حسانى ..او لاقيانى .. باختصار'احساس بالضياع والتوهان' بكره الاحساس دا اووووى ..

مره دكتور نفساني قلتله الكلمه دي قاللي رد جميل اوي :

ازاي مش لاقيه نفسك وانتي بتكتبي !!
مش الكتابه دي حاجه انتي بتحبيها وبتريحك ؟!
وطووول مانتي بتحبيها بتكتبي ..
يبقي في حاجه انتي لاقيه نفسك فيها اهو ..
متضحكيش علي نفسك بقي عشان انتي اللي بتعيشيها في وهم التوهان ده وتخليها تدخل فيه وتتوه اكتر ..!


...


يارب تكوني بخير :)

catroz said...

ساعات لما تحب حد اكتر من نفسك .. دا بيرجعك لورا اووى



:(

فراشة said...

-ساعات من كتر ما بنحط ابتسامه وخلاص عشان منحسسش الناس اننا جوانا حزن بتقلب بجد ونبتسم ابتسامه حقيقية

-وزي ما زناتي قال كلنا شايفين تننت ماشيين بدماغنا وبنعمل اللي كيفنا بس بنعمل دا جوة الدايرة الصغيرة ومش بنعرف نخرج براها يمكن يحالفك الحظ وتعرفي تخرجي انتي برا الحدود دي

كفاية انه رمضان يمكن روحه الحلوة لسه- متأخرة انتي نادي كويس بس وهي توصل:)

-أحلى حاجات تفرح الحاجات الصغيورة
انا لقيت بلية ف الشقه فرحانه بيها ومش بسيبها :)

- رمضان قرب ومتزعليش روحة الحلوة لازم بتملانا وليكي عندي هدية هبعتهالك قبل رمضان بس سارب تعجبك

بس ابقى فكريني لو نسيت ♥

mrmr said...

بصى يا سيلفر يا حبى
احاسيك دى لفتره وقتيه بس ما يمنعش اننا نتعلم منها كتير
دى فتره وح تعدى
خلى شعارك ذى ما قال لك رامى انا مختلف فانا موجود وأدون


كل سنه وانتى طيبه
وابتسمى خلى الدنيا كلها تبتسم ليكى حتى لو كنتى بتكدبى على نفسك
ح تيجى يوم وتصدقيها