Tuesday, December 14, 2010

:))))



لما تقوم الصبح لوحدك
فايق أوى
فرحان..
والدنيا بتاخدك بالحضن
من غير لف ودوران..
وإنه كمان مسموح لك تحلم
وبدون استئذان..
لما تحس بروحك طااايرة
وبتقرب منك
وقلبك رغم الحزن يقولك
مش زعلان منك..
وإنك لسه بتقدر تعشق
وإن الكلمة بتطلع سهلة
مش غصب عنك..
وإن حياتك كلها تفرق
عن كام ساعة فاتوا..
وإن النقط السودة ف توبك
اختفوا أو ماتوا..
وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة
جميلة ..
ومابتحصلش كتير.. 
.....
الحمد لله
حساها أووى 
:) 

6 Ur opinion:

Tamer Nabil said...

عيش اللحظة كما نقول

ومعاك لاتسال عن تفسير

ربنا يسعدك دائما

مع خالص تحياتى

صيدلانيه طالعه نازله said...

يارب دايما يا جميله
انا برضه حاساها اوى النهارده
صحيح اللى كان مضايقنى مش اتصلح اووى
بس نوعا ما احسن من الاول
مره تانيه يارب دايما مبسوطه و سعيده

طالبة مقهورة ..درجة أولى said...

يااااااااارب دايما يا قمري

وحشاني اوووووووووي

:)

ابقي طمنيني عليكي

Hager Abd El-QuadeЯ said...

:)

mrmr said...

ربنا يجعل ايامنا كلها سعيده
ويسعد قلبك

wella said...

ربنا يسعدك ديما ياعسل