Wednesday, September 7, 2011

شخابيط ..


التفاصيل الصغيرة بتكمّل التفاصيل الكبيرة .. و وقتها الصورة بتوضح أوى
بس أنا كنت مُصرّة انى مشوفش .. أصل كان لسه جوايا أمل وحبة نور
مكنتش عايزة اخسرهم .. بس حصل غصب عنى
والنتيجة .. الحلم اتكسر .. !
...

شر لابد منه .. وسنة الحياة .. الوجع
مينفعش نعيش من غيره .. لان مش هيبقى فيه صراع ..
والحياة عمرها ما هتمشى على وتيرة واحدة
يمكن عشان كدا بنستحمل عشان فى راحة بعد تعب كبير
هىّ الحياة كدا
فيها ابتسامة .. وفيها آه ..

...
‘ أحلامى صبحت بور .. ممنوع عليها الضى ‘
ينفع المرة دى بس ما تحسسنيش انى عبء وحمل تقيل عليك .. ينفع ؟
ما تخلينيش أقول كدا .. أو ألعن طموحى
أرجوك .. خلينى أتنفس المرة دى بس .. يمكن ما أموتش
شوفنى كبيرة ومسئولة عن قراراتى وادينى فرصة انى اختار ..
هتحمل عواقب دا لوحدى مهما كانت .. صدقنى مش هخذلك
بس .. ما تخلينيش أموت ..
...

الكتابة ساعات بتوجع .. بس كتير بتريح
وأنا محتاجة أتكلم .. بس مفيش حد هيسمع
حتى لو صّرخت
مش لاقية حل غير انى أكتب .. بس ياريت الكلام يطاوعنى كل مرة ويتكتب
...

دعوة حلوة بتتحقق .. شِعر .. صفـــاء .. صلاة .. هدية الهية
هروب مصحوب بالخوف .. وطمأنينة مع ابتسامة الدنيا مش سايعاها
حبة هــــوا .. :)

24 Ur opinion:

catroz said...

وسنة الحياة .. الوجع

اىىىىىىى
الجمله دى وجعتنى اوى
يمكن عشان انا بقيت حاسه ان فعلا بقت سنه الحياه الوجع .. مش ان الواحد يبقى مبسوط !!!

انتى مش حمل على حد
لو بيحبك هيستحملك
:)))

Baskouta said...

امسكي في احلامك اوي ومش تخليها تفلت منك
والضي هيجي من جوة قلبك

البوست في حتة من كل حالة ممكن يمر بيها اي حد علشان كدة حقيقي اوي

تحياتي

Timo.. said...

"ياللي بتسال عن الحياة..
خدها كده زي ما هي..
فيها ابتسامة وفيها آآه..
فيها أسية وحنية"

"وسنة الحياة..الوجع..
مينفعش نعيش من غيره"
وعشان كده ديما بيبقى عندنا امل يا ساره ان دي آخر الاوجاع وانه اللي جاي ها يكون احسن والا مش ها نقدر نكمل حياتنا.

safa7_karmooz said...

اسمك كده حلو اوى ;)

ريري كربكه said...

وفين الهوا ده في وسط الزحمه اللي احنا عايشين فيه كل واحد مننا بيقول يلا نفسي وبس على رأي مدحت صالح
رفضك يا زماني يامكاني يا اواني انا عايز اعيش في كوكب تاني فيه الانسان لسه انسان عايش للتاني
انا حسيت بكلامك اوي لاني ذيك بالظبط حسيت انك بتكلمي عني
شكرا ليكي على التدوينه الحلوه ديه

ريري كربكه said...

بوست حلو اوي
كلنا بنحلم احلام كتير اوي منها بيتحقق
ومنها بيبقى بور ذي ما انت قولتي

د.ريان said...

مساء الخير سارة

بوح مؤثر من قلمكم

زالأمل موجود

لكم أجمل تحية وتقدير

Sarah .. said...

Catroz :

أنا آسفة انى وجعتك كدا
بس أوقات بنكون لسه عارفين نضحك ونفرح فى وسط الوجع !
..
عندك حق
بس دايما لما بيكون حد أكبر مننا
عشان بيحبنا .. بيخاف علينا وعلى مصلحتنا
يمكن أنا أسئت التعبير وقتها .. بس انا لو ماجربتش ووقعت وقومت تانى .. مش هتعلم .

نورتينى يا روز بجد .. :)

Sarah .. said...

Baskouta :

‘ لو بطلنا نحلم نموت .. لو عاندنا نقدر نفوت ‘
يمكن دا بالظبط اللى بعمله بعاند عشان أحلامى متضيعش منى .. عشان عندى يقين انى هوصلها .

والضي هيجي من جوة قلبك

:)

وعشان كدا ببقى مبسوطة انه لمس حد .. وتعليقه كمان بيبقى حقيقى أوى

مبسوطة بوجودك هنا وبتعليقك الجميل يا بسكوتة :) :)

Sarah .. said...

Timo :

زى ما أنا عندى يقين بوجود ربنا .. واثقة كمان ان الامل موجود

يمكن أوقات بكون مش شايفاه كويس .. بس ميمنعش انه لسه موجود
عشان فعلا حياتنا مش هتكمل غير بيه .

واللى جاى هيكون أحسن .. لما ربنا يريد :)

ميرسى انك موجود هنا وفرحت بتعليقك ..
:)

Sarah .. said...

Safa7_Karmooz :

أنا بحب الاتنين ..
:) :)

Sarah .. said...

ريرى كركبه :

الهوا دا هتلاقيه .. لما تكونى عايزة تحسى بيه
هتخلقيه حواليكى _ إن جاز التعبير _ من شوية ذكريات ومواقف جميلة
لما تجمعيها سوا .. وقتها هتحسى بيه
وانك بتتنفسى من قلبك بجد
جربيها :)

وانا مبسوطة انك لقيتى نفسك هنا

....

مش كل اللى بنتمناه .. هنعرف نوصله
زى ما فى أحلام اتحققت قبل كدا .. هيقع منك شوية حاجات فى النص
حاولى متخليش الحاجات دى توقعك .. عشان تعرفى تكملى بعدها .

نورتينى فى أول زيارة يا ريرى
:)

Sarah .. said...

د. ريان :

صباح الخير :)

شكرا لحضرتك ونورتنى
تحياتى :)

حَـبآيـۃْ.بـטּـدۉڷ said...

يمكن عشان كدا بنستحمل عشان فى راحة بعد تعب كبير
..
هُو إحنا لِيه الحاجات اللي عَندنا استعداد نِتشعبط فيها مَبتجيش ! :/

..
بالمُناسبه .. الإسم كِدَه حلو جداً فِعلاً :):)

Sarah .. said...

حَـبآيـۃْ.بـטּـدۉڷ :

امممم .. يمكن عشان ايدينا مش قوية كفاية انها تمسكها
أو
عشان اوقات كتير نفسنا بيبقى قصير .. أوى

قبل ما بنوصل بخطوة .. بنستسلم لليأس !

...
انا مش عارفة ليه غيرته
بس حباه كدا
ومبسوطة انه عاجبك
وانك هنا .. :)

كلمات من نبع احساسي said...

يمكن مدونتك شدننى
وتعليقك عندى عجبنى
حسيتك قولتى اللي بحسه لما بقول بسيطه متميزة مختلفه:)

البوست في حبات هوا لمسنى اوى حسيته في منى خاصه الجزء بتاع القرارت
أرجوك .. خلينى أتنفس المرة دى بس .. يمكن ما أموتش
في ناس كتير بتفتكر انها بتساعدك بس الحقيقه هى بتعجزك

بوستك خلانى احس برعشه وقشعرنى من جوه


وان شاء الله تلاقي الصفاء والحلم اللي ميتكسرشي ولو اتكسر في احلام كتير مستعده تفضل صامده قدام الحياه اللي واقعها بيقتلك الف مرة في اليوم :)

سوري علي التطويل بس بوستك هو اللي يخلي الواحد يتكلم :):):)

Miss LoZa said...

متخليش اى وجع تمرى بيه يخليكى تخسرى حلم بالنسبالك حياة
واكيد اى تعب بعده راحة
على اد حجم التعب على اد ما ترتاحى
حلو البوست :)

Sarah .. said...

كلمات من نبع احساسى :

:)
حاولى تحافظى عليها بالشكل دا .. كدا أجمل بكتير :)

يمكن ميكونش تعجيز قد ما هو خوف على مصلحتنا .. بس بعيونهم وطريقتهم
بس دى حياتنا احنا !

بوستك خلانى احس برعشه وقشعرنى من جوه

امممم .. ياريت يكون بشكل حلو .. مش بوجع

لو اتكسر في احلام كتير مستعده تفضل صامده قدام الحياه اللي واقعها بيقتلك الف مرة في اليوم

مش عارفة أرد ,, بس عندك حق

لا ابدا .. اتكلمى زى ما تحبى
مبسوطة بوجودك وبالكومنت الجميل دا
نورتينى .. :)

Sarah .. said...

Miss LoZa :

ولا ّنقول مها ! :)


قبل كدا كان سبب فى انى اخسر حاجات كتير واتخلّى عنها
بس بقيت بحاول أخليه دافع
عشان الحلم فعلا بالنسبالى حياة
ولسه بحاول .. :)

فعلا
على قد التعب .. هوصل !

ميرسى كلك ذوقك .. ونورتينى بجد :)

Miss LoZa said...

انتى تقولى الى تحبيه اصلا :)
ايون كده عاوزين نبقى بنات جامدين
وعنديين بالقدر الى يخلينا نوصل للى عاوزينه ;)

Sarah .. said...

Miss LoZa :

لما ربنا يريد :):)

شمس النهار said...

علشان نحس بالحياة
لازم شوية وجع
علي شوية فرح
علي شوية نكد
علي شوية سعادة
هي كده توليفة
في النهاية حمل كبيييييير
اسمه الحياة

Sarah .. said...

شمس النهار :

فعلا هيا كدا بالظبط .. حِمل
يا نشيله مرة واحدة
يا نسيبه كله

حضرتك نورتينى .. :)

rona ali said...

سوري اتاخرت في الررد

واقولك لاء مش بوجع قد مابفرح انى في ناس لسه بتحس ويتشعر زي البنى آدمين الطبيعين اصل شكلنا كدة انقرضنا يا ساره :):)