Sunday, December 11, 2011

برد ..

دايما فيه حد بيهتم .. يمكن بعيد .. مش معايا دايما
بس موجود لما بكون على وشك إنى أقع
ومحاولاتهم دايما فى محلها
لكل اللى بيعمل كدا ... أنا ممتنة .. :)


ياريتنى كنت اعرف ايه اللى بيخلينا نحب ناس كتير فى حياتنا
لدرجة الوجع .. ياريت !


أوقات كتير بتكون أكتر حاجة بنخاف منها ..
هيا اللى المفروض نواجهها ونتقبلها
زى ما هىّ عشان مفيش اختيارات تانية..
بس نكسر الحاجز اللى بينا وبينها الأول


لما كنت أصغر من كدا شوية ..
كنت بشوف مبادئك, أفكارك ,كلامك
أو أى حاجة إنت بتعملها صح .. أياً كانت
وكنت ناسية انك بشر !
بس دلوقتى أنا آسفة أنا اتغيرت كتير عن زمان
ومش هاخد حاجة تانى على إنها أمر مُسلّم بيه .. أبدا


أنا خذلت نفسى كتير .. أوى
خايفة .. بهرب .. وبعاند !

13 Ur opinion:

P A S H A said...

(أوقات كتير بتكون أكتر حاجة بنخاف منها ..هيا اللى المفروض نواجهها ونتقبلهازى ما هىّ )

أعتقد إن المواجهة شيء وتقبله شيء آخر .. التقبل إستسلام وإذعان لشيء معين غير متوائم معنا ولا نعرف طريقة لتغييرة ،، إنما المواجهة فيها تحدي ومباشرة ونديه :))

دمتي في خير وسعادة

فراشة said...

عارفه

حسيت إني بقرأ حاجه كنت كاتباها زمان

Miss LoZa said...

وأنا مبسوطة أنك كتبتى حاجة <3

rona ali said...

ساره كل مقطع في الجزء دة عايزة لي بوست لوحده بجد

علي فكرة كلنا بنخزل نفسنا في اوقات كتير جدآآآ
بس لازم بعد فترة نفوق شويه ونشوف حياتنا ممكن تمشي ازاى علشان مش نخزلها تانى

التحكم دة مهم والتغيير مطلوب احنا بشر وطبيعي نفقد ونكتسب حاجات كتير

ربنا يكرمك دايمآ ^_^

safa7_karmooz said...

=\

~ISLAM~ said...

ده بوست عالمى

الكلام فيه كتير اووووووووووى

رأيى ان بعد اى تخاذل او فشل

لازم نتفائل ونفتح عنينا تانى

تحياتى

Eman said...

sara i put this template :(
i forgot that u put it already :(
sry for that <3

i cant read this tobic
inbox me coz it doesnt appeare in arabic here :(

Tamer Moghazy said...

(لكل اللى بيعمل كدا ... أنا ممتنة)

يا بختك ان فيه اللي بيعمل كده معاك لما بتقعي :)


(ياريتنى كنت اعرف ايه اللى بيخلينا نحب ناس كتير فى حياتنا لدرجة الوجع)

بأضم صوتي لصوتك :)


حلو البوست .....
................
..............قوي :|

Tamer Moghazy said...

جزء كبير من تعليقك عندي ..وصلني :)

واوعدك ها اسلم لك على فريدة سلاااام حااار اول ما الاقيها :)


مبسوط بوجودك عندي فوق ما تتخيلي :)

نهر الحب said...

ياريتنى كنت اعرف ايه اللى بيخلينا نحب ناس كتير فى حياتنا
لدرجة الوجع .. ياريت !

مش يمكن عشان بنحبهم من غير ما نعرف اننا حنتوجع
!!!
....

Lady E said...

لسه داخله بقول هيييييييييه سارة كتبت حاجة جديدة لقيت البوست من السنة اللي فاتت ينفع كده يعني؟

"ياريتنى كنت اعرف ايه اللى بيخلينا نحب ناس كتير فى حياتنا
لدرجة الوجع .. ياريت"

أول لما تلاقي تفسير قوليلي بليييييييز :)

وحشاني يا ساسو

safa7_karmooz said...

بنحب الناس لدرجة الوجع عشان بناخد الحب ده من غير اى ضمانات ...الظبط زى ما انتى طالعة جبل ومش رابطة نفسك بحبل ...فطبيعى لو اتزحلقتى هتقعى وتتعورى

الحب زى كده بالظبط ...تحلم حلم كبير وترسم كل خطوطه ...وتقول هنعمل كذا سوا مع بعض ...بس فى الاخر بنتوجع

بنصبر نفسنا بالفتات وبس مش بنحب نستنى او بننخدع فى الناس اكتر

Sarah .. said...

P A S H A
فراشة
Miss LoZa
rona ali
Islam
وحبي لك لن يموت
Timo..
نهر الحب
Lady E
safa7_karmooz

شكرا بجد على كل تعليقاتكم وكلامكم
لانه بيعَنيلى كتير ..

شكرا لوجودكم _دايما_ هنا .. :):)