بيقولوا إننا مش بنعرف قيمة حاجات كتير فى حياتنا ..
غير لما بتضيع من إيدينا
بس
أنا عارفة قيمة الحاجات اللى مالية حياتى وبقدرها
لكن مكنش فى احتمالاتى إنها ممكن تضيع فى يوم منى !
....
دايما بأنب نفسى وبلومها على حاجات كتير غلط وأكتر صح
ليه .. مش عارفة !
مش لاقية مسمى لـ دا ..
قلة ثقة فى نفسى .. جلد ذات .. أو ....
مش عارفة ومتلخبطة .. !
....
حاسة إنى كنت مغمضة عينيا ولما فتحتها .. فجأة لقيت نفسى كبيرة
أنا كبرت إمتى وكنت فين وقتها يارب ؟!
الايام بتعدى بسرعة أوى
لسه فاكرة تفاصيل أيام كاملة لما كنت صغيرة
ونسيت تفاصيل وأحداث امبارح
أنا مش مستوعبة حاجات كتير .
....
_ كان نفسى أساعدك تكونى حاجة أحسن من كدا بس معرفتش ! :)
_ سيماهم على وجوههم .. ربنا يكرمِك
_ إنتى حد من _ البنى آدمين _ القليلين أوى فى حياتى
_ أنا بدعيلِِك وخدى بالك منك .. عشانى
13 Ur opinion:
:)
انتي حد جميل
بنكبر فجأة وبنكبر كل يوم
بس بنحسها اوي لما حاجة بتحصل وتهزنا
:)
الاووول
أن أن ااااااان :D
أهم حاجة أنك تكونى عارفة قيمتها علشان متلوميش نفسك لما تضيع من أيديكى
جلد الذات وتأنيب الضمير دليل الاتصال الوثيق الغير مباشر بربنا .. ودليل النضج والوعى الكامل كمان اصلا
هى الدنيا كلها بتعدى فطرفة عين وانتباهتها اصلا
أنتى حاولتى تخليها أحسن .. بس خلاص أنتى عملتى الى عليكى اصلا .. حاولى تحافظى عليها لان البنى أدمين قليلين أووى فالدنيا كلها مش فحياتك بس اصلا
وحشنى كلامك يا بنت الايه يا لذينا :D :D
صباح الخير
مممممممممممممممممممم
مش انا الاول شكل وزعلان منى كده
بقالى كتير معملتش احتلال
ياااااااااااااااه
شعور رائع
بس استنى عليه شويه
صباحك خير تانى
و
انا فاهم اللى قولتيه ده بس مش عارف ارد عليه
بس اقدر اشارك واقول انى فاهم
صباح الخير تانى
ونورتى
نفس الاحاسيس و برضه مش عارفلها تفسير o.O
بيقولوا إننا مش بنعرف قيمة حاجات كتير فى حياتنا ..غير لما بتضيع من إيدينا
...
انتي صح
عشان كنتي عارفة قيمة الل في ايديكي لكن انها تضيع منك..دي مش غلطتك أبدا دي غلطة اللي يضيع منك في الوقت اللي انتي محافظة عليه اووووي
أو...
انها تضيع فتعرفي انك كنتي عاطياها قيمة اكبر من حجمها وممكن من غيرها تكوني افضل...
دايما بأنب نفسى وبلومها على حاجات كتير غلط وأكتر صح
..
كلنا بنعمل كدة مش جلد ذات ولا حاجة بس محسابة النفس انا شايفاها شيء كويس لما تقعدي مع نفسك وتقيميها وتشوفي عاوزة تغيري ايه
متهيألى اللي ميعملش كدة هو اللي يبقي مش متزن أو مغرور وشايف انه متكامل ومبيغلطش
...
...
حاسة إنى كنت مغمضة عينيا ولما فتحتها .. فجأة لقيت نفسى كبيرة
:))
انا كمان حاسة كدة اووووي
انا خلاص يومين اهو وحكمل 25 سنة منهم سنين كتير عدت ومحستهاش وايام نفسي ترجع ونفسي ارجع صغيرة وبقت ذاكرتي ملخبطة
بحب اقرا حاجة ديما بتقول
هو احنا زماننا اللي استعجل واللا احنا كبرنا وبنداري..؟؟؟
.....
بس
اتمني مكونش ازعجت فضفضتك مع نفسك بكلامي بس اللي حواكي جوانا كلنا
:))
اعاااااااااااااا
كل اللى بتقولى دة صح اوى
وفاهمه ومستوعبه جدآ
بس مشاركتى فاضافه حاجه هتبوظ المعنى اللى عايزة توصلي لي بفضفضتك في البوست دة
هكتفي بالدعا ليكى
وربنا يكرمك
ووحشتيى اوى بجد ^_^
ماهو عشان اللى انتى بتحكى فية دة , انا بطلت اتعلق بأى حاجة بتموت او بتفكر اصلا او فيها روح من الاساس
حلو البوست ...:)
:)
:)
:)
msh h7ot dah :( never
:)
:(
عارفه احساس وحش اوى لما تبقى حاسه بقيمة الحاجه اللى ف ايك وفرحانه بيها جداً واذ فجأةً
.
.
.
تلاقيكى لوحدك من غيرها وانتى اللى كنتى فاكره انها دايما هتكون معاكى
....
" أملك صورة انا فيها صغيّر شكلى اتغير ما عرفتوش كان فى جيوبى مكعّب سكّر داب السكّر ما لقيتهوش !! و اما اتقطعت منى الساعة وقع الوقت لاقيتنى كبير ! "
داما بنتفاجىء بنفسنا لما بنكبر ومش بنعرف احنا امتى كبرنا
.....
عجبتنى فضفضتك اوى :)
هوا انا ازاى مردتش هنا :(
مش باعرف اجي عندك غير وانا مركز قوي لاني باعيش حالة حلوة بجد..
يمكن عشان انت بتكتبي بالطريقة اللي باحب اقرا بيها..!!
او..يمكن عشان انا باحب اقرأ اللي بتكتبيه...!!
مش عارف..!!
إنتِ حد أحسن من كده جداً !
أحسن من كل المُسمّيات والمُصطلحات
Post a Comment