First Tag ..

اسمك؟؟

بص فووق .. شوية كمان .. ايون

ع شمالك كدا

هتلاقيه Silver Eyes  ;)

سنك؟؟

19 وكام شهر كدا ..

اسم مدونتك؟؟

Wanna touch the moon ..

مجال دراستك؟؟

Faculty of Arts

Dep : English

هل فكرت فى اغلاق مدونتك ؟؟ والسبب؟؟
هو انا لحقت !! .. لو حصل وقفلتها اكيد هيبقى غصب عنى 

انا بلاقى نفسى هنا اوى .. ومش هتخلى عنها .. بحبها :)

ايه رد فعلك لو حد قل ادبه عليك فى المدونة؟؟

لسه محصلش .. لانى مش بكتب حاجة يترد عليها بتعليق سخيف

بس ف اوبشن لذيذ وكميل اوى اسمه ديليت

ولا كأن حاجة اتكتبت .. بس .

ايزى يعنى

اسوأ مدونة دخلتها؟؟

بردو لسه ..

لانى بختار البلوجات اللى بحب اقراها

وكلهم عقليات تفكيرها يحترم ..

هيحصل ايه لايميلك بعد ما تموت؟؟

بسيطة .. هيبقى الاوبشن الوحيد فيه 

  Offline
السؤال دا كوميدى اوى .. هو ساعتها الواحد هيكون ف 

ايه ولا ايه ..

اديت الباسوورد لحد قبل كده؟؟

لاء

السفر بالنسبة لك؟؟

بعشقه .. بحس براحة نفسية جميلة اوى

ببقى مع نفسى والسما وبس :)

وبيكسر الملل والروتين كتير 

وبيقولوا انو ليه 7 فوايد .. اللى يعرف يبقى يقولى

الموود بتاعك ايه؟؟

انا شخصية موودية جدااااا

موودى مش ثابت لمدة يوم حتى

بيتغير حوالى 50 مرة ف اليوم .. حاجة مش ظريفة ع فكرة

بتعمل ايه فى وقت فراغك؟؟

بدخل نت او بقرا وساعات كتير بقضيه مع نفسى

ف التفكيييييييير  .. 

وساعات مع صحابى 

حاجات كتيير ..

الاكلات المفضلة؟؟

المكرونات بانواعها .. الفراخ

كريم كراميل .. بعشقه

الصفات اللى اخدتها عن والدك؟؟

شوية من الشكل

العند

التسامح

الصفات اللى اخدتها عن والدتك؟؟

الطيبة الزيادة

حب الناس

العصبية

العند بردو ..

اكتر 6 حاجات بتحبهم؟؟
- English

- الشمس وهيا بتغرب

- اماكن معينة بحب اروحها كتير

- لما بحس بحاجة ممكن تحصل ولما تحصل 

الاقى احساسى كان صح .. بحب كدا اوى

- الشيكولاتة اووى D:

- ابتسامة ع وشوش الناس كلها وخصوصا اللى بحبهم 

ونظرة تفاؤل وامل ع وش حد معين :) 

اكتر 6 حاجات بتكرههم ؟؟
- النفاق والظلم
- صحابى اللى بيفهمونى غلط

-  تفاهة _بعض_ البنات ^_^

- الصوت العالى

- البعد :(

- ارادتى الضعيفة :(  واستسلامى بسرعة

شخصيتك نوعها ايه؟؟
بتقلب ع كاروهات مخططة باسود بالليل ;)

.. بيغلب عليها العقل شوية 

عقلانية بشكل كبير ..

 احلي جمله قيلت في وصف مدونتك ؟؟

رقيقة ..

لماذا دخلت عالم التدوين من الاساس؟؟
انا دخلته صدفة اصلا

ولقيتنى بعدها يوميا بدخل بلوجات كتير

لغاية ما ادمنتها , بقالى سنتين تقريبا

ومن فترة قصيرة كدا قولت اجرب

وفتحت البلوجاية الصغنتوتة دى :)

اهمية التعليقات بالنسبة ليك؟؟
بحب اتعرف ع ناس كتير واعرف ارائهم دايما
بحب استفاد من اراء وافكار غيرى كتير 

 
احلى بوست كتبته مع ذكر السبب؟؟

اكيد لسه متكتبش

مش شايفة انى كتبت حاجة مفيدة لسه .. 

افضل مدونة قريتها؟؟
ف بلوجات كتير من ال فيفوريت لازم ادخلها كل ما بفتح

بحب اتابعهم دايما ..

اهمية الانترنت بالنسبالك؟؟
هاخده حقن بعد كدا D:

ساعات كتير لما بكون متضايقة بقضى وقت كبير عليه

وبيغيرلى الموود كتير ..

من غيره مش هعرف اتواصل مع الناس اللى بحبها

سواء بافكارها وكتباتها اللى بتفيدنى كتير

او انى اكلمهم واطمن عليهم اكتر ..

بيفيدنى ف دراستى كتير وفى اى حاجة

حابة اعمل عنها سيرش .

اهداء التاج :

بلاش ادبس حد عشان شكلى ميبقاش بايخ

لو مجاوبوش .. :)

انا لقيت التاج دا ف بلوجات كتير

فقولت اجاوبه بارادتى بدل ما اتدبس فيه

او لانى كنت بهرب من اى سؤال يتوجهلى عموما

فقلت اجاوب انا من نفسى

        :)