Monday, June 28, 2010

Me & myself ..


_ قبل ما تحلم .. احلم وانت فايق .....

_مؤخرا .. اكتشفت ان فى ناس بتحبنى اوى من غير مصالح ومن غير كدب او ماسكات .. لمجرد الحب وبس 
بجد حاجة فرقت معايا اوى .. :)

_فى صدف لما بتحصل بتخلينا مبسوطين وطايرين بجد .. وصدف تانية بتوجع اوى وبنتمنى انها مكنتش تحصل .. بس مش بادينا
ولسه الوجع بيزيد .. كل ما بتتكرر .

_بحب حنيتك المستخبية جواك .. كل ما بتعمل حاجة صغيرة اوى عشان تخرجنى من اى موود وحش لمجرد انك مش بتحب 
تشوفنى مضايقة .. بحبك اوى وربنا يخليك ليا لانى مليش غيرك فى الدنيا , ولا انت كمان :)

_بخاف اوى كل ما بقرب من اخر سنة ليا فى الجامعة .. بحس ان نهايتى بتقرب او انى هفقد حريتى .. مش حاسة ان الايام
جريت بالسرعة دى وخلاص المرحلة دى لازم تخلص وادخل فى مرحلة جديدة .
مش عايزاها تخلص .. او بمعنى ادق مش عايزة اكتشف انى بكبر من غير ما احس .. :(

_احساس بيقتل اوى لما تخسر الثقة فى الناس كلها وفجأة تلاقى شخص يرجعهالك تانى .. بس للاسف بيخذلك بانه يبعد 
وينسى حتى انه مصدر ثقتك وقوتك ف الدنيا .. وترجع تخسرها تانى .

_كل ما ببص للقمر .. بفتكرك .. بفتكر احلامى 
ع طول مبتسم .. والابتسامة جواها رسالة
لسه بحاول افهمها .. يمكن ابطل افتكرك وقتها
وساعتها هلاقى نفسى تانى اللى كنت بدور عليها .....

_معنديش استعداد البس ماسك زى باقى الناس اللى بتحاول تتجمل ومتبعة مبدأ .. انى لا اكذب ولكنى اتجمل .. لاحساسى
بانى صح وبانى حد مختلف .. لانى بحاول اكون _انا_ مش كوبى من حد
ولان احساس التميز .. ليه متعة خاصة ..

28 Ur opinion:

Ramy said...

شوفى بقى فيه حاجات عجبتنى و فى حاجات معجبتنيش (: او تقدرى تقولى مش متفق معاكى فيها

هنبتدى بالحاجات اللى عجبانى

الأحساس نفسه بتاع البوست و الجو العام بتاعة بالحب عاجبنى جدا

و عاجبنى قوى أن انت مش كوبى من حد دة فى حد ذاته شيىء جميل جدا

أن يكون لينا شخصيتنا المستقلة و روحها المختلفة

اللى مش عاجبنى بقى ربطك بين الحرية ونهاية الكلية انا عارف ان بنات كتير يعتبر الجو الكويس الوحيد اللى بيكون فيه تجمعات بيحبوها بس أستمتاعك بيها و عمل صداقات حقيقية جو الكلية دة هيفيدك جدا بعد الكلية
انا طبعا بأتكلم عموما لان كل واحد لية ظروفة المحيطة بيه

وبعدين الحب يا رب تتوفقى فى حبك

يا رب مكنش ضايقتك

ربنا معاكى و يوفقك

safa7_karmooz said...

ليا كومنت لما ارجع بالليل ان شاء الله

حزينه said...

يا بختك بلا ماسك
انا مش بقيت اعرف اعيش من غيره
لما تعبت والله تعبت

سمع هوص (Abo 3li) said...

نفسي اعرف ليه ناس كتير بتعتبر الجامعة ازهي عصور الحرية الشخصية... وبعدها الواحد او الواحدة هيتقيد؟؟!!!؟

خليكي انتي... وانتي وبس...
منف=غير مسكات ولا تجميل... صدقيني كده احسن بككتير... ليكي...


تحياتي..

Ana keda said...

حلو اوى البوست
بحب البوستات دى انا اوى
بصى الكلية هتخلص ومرحلة زى اى مرحلة اكيد فى كبهر احلى والله اعلم
حاولى انك تحبى تغامرى ومش تقفى عند مرحلة واحدة بس
مش ضرورىعشان بتكبرى تبقى حاجة وحشة فى فرق بين انك تكبرى عمريا وتكبرى وتعجزى بقلبك
فاهمانى يا حبيبتى
ومش عاوزاكى بماسك بقى انتى كده احلى بكتير
خلى بالك من نفسك

mrmr said...

جميل انك تحسى بنفسك وبشخصيتك مش تبقى كوبى من حد تانى تبقى انتى نفسك وبعدين بتقولى ان نهايه حريتك قربت من قرب انتهاء الكليه باين عليكى من بلدنا دا حتى الصعيد بقيه مودرن خالص والبنات فرى كل يوم بتطلع وشوف الدنيا وواخده حريتهاعلى الاخر
عايزه اقولك حبى كل شئ حواليكى ح تلاقى كل اللى حواليكى بيحبوكى ومش تفقدى الثقه بالاخرين لان زى ما فى ناس فيها الخير برضه فى ناس فيها الشر
واضح انك انسانه رقيقه قوى ومشاعره حساسه
ربنا معاكى ويحافظ عليكى

Silver Eyes said...

Ramy :

منور كعادتك ف اول كومنت :)
كنت بفضفض مع نفسى فطلع كدا .. وارتحت لما كتبت الكلمتين دول ..

انا فعلا مش حابة انى اكون كوبى من حد لانى بحب المثالية وبما ان مفيش حد بيرفكت والكمال لله وحده .. فهبقى انا بالشكل اللى شايفاه

هو يمكن لانى بلاقى نفسى فى الجو دا والمرحلة دى اكتر من اى وقت تانى
بس بردو مش عارفة بكره هيكون فيه ايه .. فسيباها على ربنا بس بردو لسه عندى احساس بالخوف

بالعكس بجد دا انت نوورتنى
وربنا يخليك ع الدعوة الجميلة دى
شكرا :)

Silver Eyes said...

Safa7 _ Karmooz :

انت عزلت ل الصين ولا ايه يا محمد :D
فرق التوقيت فظيع ;)

عموما مستنية الكومنت

Silver Eyes said...

حزينة :

انا من زمان وانا كدا
فعشان كدا مش تعبانة من غيره

حاولى كدا وجربى شوية تقلعيه .. صدقينى هتفرق كتير
وان شاء الله مش هتتعبى تانى

نوورتينى :)

Silver Eyes said...

Abo 3li :

هى ع الاقل بالنسبالى انا كدا
يمكن بتفرق من حد للتانى او يمكن عشان انت شاب ومش شايفها من وجهة نظر بنت ..

ميرسى ع النصيحة اللى انا واخدة بيها فعلا :)

نورتنى
وميرسى ع الكومنت :)

ع جنب : كان ليك تاج خفيف كدا عندى ياريت تتفضل مشكورا تنفض له .. قصدى تحله :D

Silver Eyes said...

Ana keda :

ميرو الجميلة :)
تقريبا اول مرة افضفض بالشكل دا .. ويمكن اجرب تانى

انا فعلا زى ما قلتى مبحبش اغامر .. وانا مش مفترضة انها تكون مرحلة اوحش .. هو بس شوية خوف من المجهول
بس صدقينى بجد سيباها على ربنا

فهماكى اكيد ..
ربنا يخليكى يا حبيبتى
دا بس من ذوقك
وميرسى ع الكومنت الجميل دا :)

Silver Eyes said...

Mrmr :

ههههههههه لاء مكنش دا قصدى وانا مش من الصعيد
بس اللى اقصده انى خايفة من اللى جاى مش عارفة هتكون المرحلة الجاية عاملة ازاى
ولانى حابة السن اللى انا فيه وعايزاه يثبت ;)
ومكنتش اقصد بردو الحرية بالشكل دا

عندك حق
بس يمكن صعب شوية تخسرى ثقة حد كان بالنسبالك الدنيا كلها ..

ميرسى ع المجاملة الرقيقة والدعوة دى
نوورتينى جدا :)

The illusionist said...

مسكتك
تعالى هنا
مش هسيبك

The illusionist said...

مفيش امل مسكتك
ومش هتهربى
تعليقك وصلنى حالا وانا فى المدونه بلعب
استسلمى
انا جيت
هه
سمعانى

The illusionist said...

لقد امسكت بكى ايتها المدونه
كان فى مصيبه والله
كنت بعدل القايمه بتاع المدونات
وملقتش مدونتك
انا كنت هتهبل
اتارى المواضيع بتنزل وانا معرفش
بس مسكتك

The illusionist said...

ايه ده مالك يا بنتى
بقى سايبه الاب الروحى
وبتقولى خايفه من اخر سنه فى الجامعه
ماذا يحدث فى هذا العالم الملئ بالبطيخ اللى من غير بذر
يا الهى

Silver Eyes said...

The illusionist :

هههههههههه
يااااه كل السسبنس دا عشان بتدور على بلوجاية تايهة :D

طيب حمدلله ع السلامة
منور كالعادة :)

The illusionist said...

على العموم الكلام بتاعك كلو حاله تخص سيادتكم من حيث الاشخاص اللى بتفتكريهم دول
يا بختهم
بس انا متاكد
انى من النوعيه الاولى
فور شور يعنى
وبالنسبه لاخر سنه فى الكليه
نفسى اوصلها انا بس
ده انا طهقت

The illusionist said...

طيب حيث كده ده انتى موجوده هنا اهو
فينك يعنى بقى

The illusionist said...

بيب بيب بيب بيب بيب بيب

انتى يا بنت
الاب الروحى يتحدث
هه
خلصتى الكتاب ولا لسه
انا هناقش نفسى فيه ولا ايه
يا تنت يا تنت يا تنت
لو فاضيه عدى على مدونتى
عاوزك فى مصلحه هناكل منها عيش
هههههههههههههههههههههههههههههه
البنج بوكس اشتغل وربنا
خشى بصى كده
هيييييييييييييييييييه

The illusionist said...

عملتى ايه فى الامتحانات والنتيجه
ماذا يحدث
هل عصف اهل القريه بالاعداء
هل انفجرت انابيب معاجين السنان
هل سنذهب ام ماذا
ماى جودنيس

Silver Eyes said...

The illusionist :

ربنا يخليك يا زناتى دا والله بس من ذوقك :)
والبوست فعلا فضفضة شخصية بس ميمنعش انك تسيب رايك فى اى كلام فيه

وبالنسبة للكلية
دا حسد بقى ولا ايه
بجدربنا يوفقك فى دراستك ويقرب اخر سنة
عشان تخلص بقى :D

انا هنا اهو
الفترة اللى فاتت بس كنت مشغولة فى الامتحانات
بس كنت بدخل نت اكتر ما بكون فاضية :D

وبالنسبة للكتاب اللى انا كرهته دا عشان مش عارفة اقراه
ف وعد هحاول اقراه الايام دى بعد ما الجهاز اتصلح :)

وانا هناك فورا اهو

Hager ZaǮbal said...

انتي عارفه انني بحب البوستات دي اوي .. خصوصا من الناس اللي بحب ادخل عندهم وعارفاهم ..
بحسها كده ليها طابع خاص ..

* الحلم مش عيب .. والأمل مطلوب جدا ..
بس نفتح عينينا شويه صغيرين عشان منشفش دنيا غير الدنيا ونرجع بعد كده نتعب اوي ..

* مبسوطه اوي انك اكتشفتي ده يا ساره ..
عارفه، الناس دي هما اللي بيدونا دفعه نكمل حاجات كتير في حياتنا ونقوي علي حاجات كتييير كسرانا ..
ربنا يخليهملك :)

* وربنا يخليهولك :)

* بس ليه الاحساس ده ؟
خلي عندك امل دايما ان المرحله الجايه هتبقي احسن .. ارسمي نفسك في اللي جاي .. هتحققي احلامك ازاي ؟ عاوزه تعملي ايه ؟ كده يعني .. ده هيديكي دفعه رهيبه برضه ..
وبعدين تكبري ايه داحنا لسه صغنتطين خالث :))))

* ساعتها بقي يا ساره .. احنا اللي ندي نفسنا الثقه والحب وكل حاجه منستناش حد تاني يديهالنا ..

* اوعي تلبسي ماسك .. اوعي في يوم تقرري تعيشي في دور مش بتاعك او تكوني مش انتي .. عشان ساعتها هتبقي ماسخه اوي ..

يارب تكوني بخير يا ساره :)
ومتقلقيش انا بخير الحمد لله ..

ورجعت تاني اهو ومش هغيب خالص :)

تحياتي

صمت المشاعر said...

السلام عليكم

بالعكس ممكن مرحلة ما بعد الكليه تبقي جميله جداا وتشتغلي

بما اننا نفس لمجال يعني ونفس الكليه فربنا يوفقك دايما وعيشي حياتك بدون ماسكات لان مفيش اجمل من الصراحه والطبيعه

دمتي بالف خير

Silver Eyes said...

Hager Za3bal :

وانا ارتحت لما فضفضت بالشكل دا .. بفكر اعملها تانى

صدقينى عمرى ما هفكر ابطل احلم طول ما لسه فى نفس فينا .. من غيره هيموت ..

الناس دى وقفت جنبى فى فترة كنت حاسة انى لوحدى بجد .. ومن غيرهم هبقى ولا حاجة .. ياااااااارب ويخليكى انتى كمان ليا عشان انتى عارفة انتى بالنسبالى ايه :)

ياااارب وربنا يخليلك اخواتك كمان :) :)

ههههههه اه صح
دا انا لسه قطة صوغيرة :D
يارب تكون احسن وربنا يكتبلى فيها الخير ..

معاكى حق .. بس كتير بنبقى محتاجين حد يقويها فينا ..

لو حاولت اكون حد تانى مش هقدر اكون زيه ولا هقدر ارجع زى الاول .. ف احسن انى افضل انا واغير من نفسى ..
عمرى فى يوم ما هقرر بارادتى انى البس الماسك دا :)

انا بخير الحمد لله
ومبسووووطة جدا بكومنتك ووجودك هنا
يارب تفضلى منورانا على تطول ومتغيبيش تانى ..

ثانك يو كتييير :):)

Silver Eyes said...

صمت المشاعر :

اهلا اهلا بالناس اللى اتخرجت :)
يارب تبقى احسن وتكون على عكس توقعاتى ..
ان شاء الله خير :)
اكيد عندك حق .. مفيش احلى من انى اكون بشخصيتى ..

نوورتينى وميرسى جدا على كومنتك :)

safa7_karmooz said...

كل ما اجى ارد الكلام بيقف ومش بيطلع ..

I'm The CraZy One said...

:)

(: