Thursday, June 17, 2010

Moda !!


من كام يوم لما خالد سعيد _الله يرحمه _اتوفى
كلنا بكينا ع اللى حصل والصور اللى شوفناها
كلنا بندعيله ان ربنا يرحمه وان دمه ميكونش رخيص زى اى حد قبله
كلنا عبرنا عن اللى جوانا ب مظاهرات او ببوست اتكتب او بدعاء ...
باختصار .. كلنا متضامنين مع القضية بتاعته ودا الطبيعى يعنى .

اللى مش طبيعى بقى 
انى اشوف حد متضامن مع _عمرو _الشاب اللى انتحر من اجل الحب
اللى قرر انه يتخلى عن حياته وانتحر عشان مش قادر يعيش مع حبيبته
!!!!

بنوتة ف الجامعة وقررت انها تنتحر عشان مشاكل الحب..
شوفتها امبارح قبل امتحانى بسااااعة ولقيت ايدها الشمال مربوطة 
وبتقول انها اخدت 6 غرز فيها واهلها لفوا ع كذا مستشفى عشان يلاقوا دكتور جراحة
وانقذها ع اخر لحظة .. قضاء ربنا وقدره

مش اول مرة اعرف ان فى ناس بتنتحر عشان حب او غيره .. مكنتش مستغربة اصلا
بس اللى احبطتنى اكتر انها بتقول ان دى مش اول مرة
وان مفيش بجد حاجة تستاهل انها تخسر حياتها عشانها !!
طيب الكلام دا كان فين قبل كدا لما حاولت كذا مرة وربنا انقذها ؟؟
مكتشفتش دا غير بعد ما ربنا وبعده الدكتور انقذها ونزلت تمتحن ! 
هو دا عااااااادى ؟!!

حاجات واحداث كتيرة بقت بتجيب احباط وبتضيع الامل ف ثانية 
الحمد لله .. املى ف ربنا عمره ما هينتهى
لان مهما الليل بيطول .. بيكون وراه نهار  .
ياااااارب اهدينا وارحمنا ..

22 Ur opinion:

زى الهوا said...

دى بت عبيطه

اهه ماينفعش اقول عليها غير كده

عمرنا وحياتنا دى ملك ربنا , زى ما اعطاها لينا هوه اللى هياخدها مننا

وبعدين اقسم بالله مافيه اى حاجة تستاهل

اللى عايز ينتحر يبقى يقول قبلها علشان نبقى ناخد اعضاؤه اللى مستهتر بيها دى ونديها لحد غيره حاسس بقيمتها ومفتقدها

:)

أم الخــلـود said...

الله يرحمه وحسبنا الله ونعم الوكيل


اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

الشـوكة الــنـاعـمـة said...

عندك حق
بس انتى بجد ما تعرفيش الواحد نفسيته بتكون ازاى لما بيقرر يتخلى عن حياته
تحياتى

Lady E said...

أمل و
show me the meaning
?
ما علينا

انتحرت علشان الحب ! مش هلوم عليها أو أحاسبها لأنها أكيد كانت في لحظة ضعف المهم انها حست بقيمة حياتها

Silver Eyes said...

زى الهوا :

منورااانى جدا بزيارتك دى
هى مش حكاية عبط .. كل حد فينا بيمر باسوأ حالات اليأس وساعتها مبيعرفش يفكر
المشكلة اننا مش بنتعلم

متفقة معاكى ف رايك
بس تفتكرى حد فى حالة اليأس دى هيفكر فى انه يعمل كدا !!

ميرسى ع كومنتك جدا
تحياتى :)

Silver Eyes said...

ام الخلود

ربنا يرحمه ..

وربنا يجعله فى ميزان حسناتك
شكرا

Silver Eyes said...

الشوكة الناعمة:

والله عارفة
بس اللى مستغربه ليه هو كلامها بان دى مش اول مرة وبان مفيش حاجة تستاهل تخسر حياتها عشانها
كان كلام مش مقتنعة بيه وقتها ..

ربنا يهديها
نورتينى جدا وميرسى اوى :)

Silver Eyes said...

Lady E :

اهلا اهلا يا دفعة ;)
السونجاية دى مش ع حسب موودى او كلام البوست
انا بس بحبها فعملتها هنا .. :)

بس هى محستش بقيمة حياتها فعلا لان الموضوع دا اتكرر معاها اكتر من مرة ع حسب كلامها
اللى كنت اقصده .. اننا بقينا بنقول كلام مش مقتنعين بيه وبنضيع فرص كتير ربنا بيديهالنا

ربنا يهدينا جميعا
تحياتى يا ليدى وميرسى ع الكومنت :))

Ramy said...

شوفى بقى انا اتكلمت كتير عن خالد لغاية ماتعبت نفسيا

مش هقول غير الله يرحمه و يعزى اهله

اما بالنسبة لموضوع الشخص اللى انتحر انا هديكى لينك لمدونة ممكن اكون نستها فى البوست بتاعى
شفيقة هانم ......وأحسان بيه

http://freeecpl.blogspot.com/2010/06/blog-post.html

هنا تحليل ممتاز للشخص المنتحر دة و للوضع

مدونة جميلة والأغنية دى جميلة جدا هى صحيح قديمة جدا للفريق بس من احلى ما عملوا

شكرا ليكى لمرورك و التعليق الرقيق بتاعك (:

psycho said...

good thinking my dear

keep going

The illusionist said...

الانسان لما بيوحشه حد


وسبحان الله ييجى على باله فجاه

ويلاقيه عنده مبيبقاش مصدق

ممكن اخش برجلى اليمين واقول صباح الخير عليك يا جميل

وحشانى مدونتى اللى انا ابوها الروحى من زمان

وحشاااااااااااااااااااااااااانى وربنا

The illusionist said...

اولا بقى
وعدتينى هنتكلم عن كتاب السر
هه
هه
هه
هه
هه
هه

وانا بصراحه عاوز اتكلم عنه ضرورى
فسيادتك بقى يا انسه
تشوفى وقت فاضى
عشان نتكلم عنه على الميل
او حتى على ميل المدونه
عشان انا مخى كبر منو خالص
وعاوز بقى اكلم حد
ثانيا

The illusionist said...

على فكره
انا كان رايى شديد قوى فى الحكايه دى
بقول ان الناس دى كفره ولاد تيت ميستاهلوش يعيشوا
بس عدلت رايى
دول ناس ولاد تيت ميستاهلوش العيشه اللى ربنا ادهالهم
و فليذهبوا الى الجحيم
ههههههههههههههههههههه

The illusionist said...

ده رايى المتعصب يا ستى
رايى اللى مش متعصب

الانسان لما بتتقفل كل السكك قدامه
ويحس ان الهدف اللى كان عايش عشانه فى الحياه مبقاش ليه وجود
قوليلى هيعيش ليه من وجهه نظره هوه
بعديا عن وجهه نظرك

اكيد معندوش سبب وجيه

يعنى انا بحبك
وانتى اختفيتى
وانا كان كل حياتى عباره عنك انتى بس
هعيش ليه
هحس ان الانتحار انسب وسيله للراحه
بس ناس مش مقدره حياتها
واللى ربنا بينجيه من الانتحار
فى وجهه نظرى
بيحبه قوى قوى قوى قوى
فوق ما تتخيلى
لان الانتحار سهل
ومع ذلك ربنا بينجيه
ياه
والله ده المفروض يحس على دمه
انما اللى بيحاول جاهدا ده مجنون
ويستاهل يتولع فيه بجاز

Silver Eyes said...

The illusionist :

مبدئيا كدا انا هعمل نفسى مخدتش بالى خاااااالص .. مع انى خدت ;)

بس هيا مفاجأة جامدة بالنسبالى
وكنت مستغربة ومازلت ..

Silver Eyes said...

The illusionist :

مساء الخير
عليك غرامة تاخير كبيرة ع فكرة
بس بجد نورت من تانى :)

ههههههههه والله انا كرهت الكتاب دا
عموما .. انا لسه مخلصة امتحاناتى وفضيت خلاص
هقراه ع رواقة وبعدين نتفاهم
بس يارب يخلص ..

انا مقصدتش فكرة الانتحار نفسها وحالة اليأس اللى اكيد لا توصف وقتها ..

بس انت قولتها
اللى ربنا بينجيه فاكيد بيحبه اوى

وهى ربنا نجاها اكتر من مرة وادالها فرص كتير يمكن تتمسك بربنا اكتر وتحس بقيمة حياتها وتفكر بعقل
لكن اللى حصل
انها بتردد كلام مش مقتنعة بيه وهو ان مفيش حاجة تستاهل الانتحار .. ودا كان بعد ساعات قليلة من محاولتها للانتحار
ودى مش اول مرة

طيب ازاى بقى !!

نورتنى زى زمااااان بالاحتلال دا
ميرسى جدا :)

Silver Eyes said...

Ramy :

انا بجد اسفة جدا جدا
انا قريت كومنتك والله بس نسيت اعلق عليه
وقريت كمان اللينك ..

ما قل ودل فى موضوع خالد دا
ربنا يرحمه
وحسبى الله ونعم الوكيل ..

انا عارفة المدونة وساعات بقرا فيها
ربنا يهدينا جميعا وناخد بالنا من الفرص اللى ربنا بيديهالنا ..

وميرسى جدا دا بس من ذوقك والله
السونجاية جميلة وانا بحبها جداا

نورتنى بجد بالزيارة الجميلة دى
ميرسى ع كومنتك ارجوك تقبل اعتذارى :)

Ramy said...

لالالا متتاسفيش

عادى انت رديتى اهو

لالا انا مش زعلان طبعا بأمانة

The illusionist said...

ده اقل واجب طبعا
انتى بتهزرى
انتى شوفتى الاحتلال يا بنتى
ده انت لسه مشوفتيش حاجه وربنا

mrmr said...

بجد انا تعبت قوى من الحديث على الاشخاص المنتحرين دول بقيوا كتير قوى وبقيت ظاهره كانها موضه
مش عارفين انهم لما ينهوا حياتهم بايدهم يبقوا بيغضبوا ربنا
طيب فين الامل والرجاء
فين الايمان بالله فين الثقه فى ربنا انه قادر على حل المشاكل والصعاب
دا ربنا كبير وكل ليل وله اخر

معلش طويلت عليكى
شكرا ليكى يا قمر
ربنا معاكى ويحافظ عليكى

Silver Eyes said...

Ramy :

:)
حصل خير
منوورنى بجد جدااا


............
The illusionist :

اعتبر البلوجاية بتاعتك
احتلها براحتك

نوورتنى :)

Silver Eyes said...

Mrmr :

اهلا اهلا بمرمر الجميلة

هى حالة اليأس لو مقدرناش نخرج منها مش بنعرف نفكر وبنفقد الامل والثقة ف ربنا
مبقاش حد عنده صبر ان ربنا هيعوضه ..
ربنا يهدينا جميعا ويفضل املنا فيه وفى رحمته كبير ..

بالعكس انتى نورتينى جدا باول زيارة
ميرسى يا جميلة ع كومنتك
تحياتى يا مرمر :)