Sunday, July 18, 2010

حنيــــــــــن ..


_ كان حلم وردى جميل , بس ياريته فضِل حلم .. وبس

_ الموضوع عامل زى الدواير .. دواير صغيرة جوا دايرة كبيرة .. الدواير الصغيرة ممكن تتغير..لكن الدايرة الكبيرة مبتتغيرش .. ما بتتغيرش ' بحاول اقنع نفسى' ....

_ هو معرفة الناس كنوز .. ولا البعد عنهم غنيمة !!

_ كنت مرتاحة اوى وانا ماشية لوحدى يومها ..كنت حاسة انى حرة ومفيش حاجة مقيدانى ..مكنتش حاسة بدوشة العربيات حواليا , بس كإنى غريبة
عن العالم دا ..وماشية بتفرج ع الناس وببص لوشوشهم لاول مرة , كنت حاسة بغربة بجد عنهم ..

_ من كتر ما بقى احساسى بحاجات كتير متوقعاها قبل ما تحصل صح .. بقيت خايفة اللى ف بالى يتحقق ..اول مرة اتمنى ان احساسى يطلع غلط .. يااااااارب

_ فى ناس لما بتجرح حد .. بتبقى متخيلة انها جرحته هو وبس .. بس الحقيقة انهم ساعات بيجرحوا اتنين من غير ما يحسوا .. مش واحد بس .. للاسف

_ لسه بدعيلك .. بس مبقتش حساها زى قبل كدا
غصب عنى بجد .. 

14 Ur opinion:

سمع هوص (Abo 3li) said...

مش فاهم حاجة!!!

mrmr said...

الناس ممكن اشبههم ذى السكين
ذو حدين
كنوز
وتعب قلب
ولاتقدرى تبعدى عنهم ولا تقربى منهم
لكم اهم شئ انك تختارى الفئه اللى تتعاملى معاها
ربنا يحسن اختيارك ويسعدك

Ramy said...

عارفة انتى لازم تبقى زى المصفة دايما
يعنى دايما تصفى الناس اللى تعرفيهم

أكيد فى اللى يستحق
و أكيد فى اللى حتى ميستحقش نفكر فيهم

بس لسة بتدعيله
دة يدل ان انتى انسانة صافية
صادقة

ميهمكيش صدقينى دى مدرسة الحياة الصعبة

ربنا معاكى دايما و يوفقك

hend mossallam said...

:) انا مش متاكده من حاجه غير انك انشاء الله تبقي كويسه ...

Sarah .. said...

Abo 3li :

ولا انا
:D

مجرد فضفضة مش اكتر ..
نورتنى :)

Sarah .. said...

mrmr:

بحس انهم الاتنين فى بعض فى نفس الشخص
..
بحاول احسن اختيارى بقالى فترة

ربنا يخليكى ع الدعوة الجميلة دى
ميرسى يا مرمر :)

Sarah .. said...

Ramy :

كنت فاكرة انى مش هقدر اعمل كدا لانى مبحبش اخسر حد
بس من فترة عملت كدا وارتحت ..

هكتفى بانى ارد ع باقى كومنك ب
اشكرك جداا :)

ميرسى يا رامى
ع الدعوة الجميلة :)

Sarah .. said...

I'm The CraZy One :

يااااااارب يا هند
ان شاء الله

ميرسى ليكى :)

Lady E said...

ده بالضبط نفس كلامي من سنة :)

ولسه ساعات بحس بنفس الكلام زي الحاجات اللي بحسها بتحصل

متقلقيش
هتعدي كل حاجة في الدنيا بتعدي

دمتي بخير

The illusionist said...

واحشنى يا كوتش
عارفه حكايه التوقع دى
دى مصيبه
دى زى الانسان مخير ولا مسيير
لو انا توقعت كل حاجه وبتطلع صح
دى كده انا متحكم فى مصيرى
ولا
انا اصلا مسير وبتوقع التحركات
ده بقى حبه من كتاب السر بالصلاه عالنبى
بس انا فعلا ساعات بتمنى انى اكون غلط
بس للاسف التوقع بيطلع صح

راء said...

فضفضات جواها كتير

بيتهيألي بتكلمي نفسك اكتر مننا :)

*******
_ فى ناس لما بتجرح حد .. بتبقى متخيلة انها جرحته هو وبس .. بس الحقيقة انهم ساعات بيجرحوا اتنين من غير ما يحسوا .. مش واحد بس .. للاسف
******

الانسان لما بيجرح حد عموما..مبيجرحش شخص واحد..ده بيجرح اتنين عشان بيجرح نفسه وبيحط فيها علامة سودا قبل اللي قدامه كمان..وده وحش عشان النقاء الداخلي بيتلوث


بحبك في الله بجد :)

Sarah .. said...

Lady E :

:)
اكيد كل حاجة بتعدى
دوام الحال .. من المحال
ان شاء الله خير

ميرسى ع كومنتك ووجودك هنا بيفرحنى
ومبروووووك ع النجاح
نورتينى يا ليدى .. تحياتى :)

Sarah .. said...

The illusionist:

:)
انا مش بتوقع كل حاجة وبتطلع صح
بس كتييير اوى دا بيحصل
وانا بحب دا .. بس ساعات بخاف اووى

موضوع الانسان مسير ومخير دى فيها كلام تانى
ودماغى وجعتنى من كتر التفكير ف كدا
بس اقتنعت ان الانسان الاتنين سوا

ربنا يوفقك للخير دايما
ومنورنى جداااااا بكومنتك
ثانكيو يا محمد :)

Sarah .. said...

طالبة مقهورة ..درجة أولى :

روووودى .. منورانى كتير
الفضفضات فعلا جواها كتير اوى

عندك حق جدا
بس كدا يبقى جرح 3
لانى كنت اقصد ان فى ناس بتنجرح لجرح الشخص دا اووى ويمكن اكتر منه هو شخصيا

وجودك هنا فرحنى جدااااا
وبحبك اووى يا اصغر بنوتة عرفتها ف بلوجر :):)