Saturday, April 3, 2010

كان نفسى ادرس phonetics ..

ياااااه ع العبط والسذاجة اللى كنت فيها ويمكن _مازلت_ لما حلمت وافتكرت انى ممكن ادرس حاجة بحبها .. صح.
كنت فاكرة انى ممكن اتعلم وادرس انجليش بجد بدل الهبل اللى كنا بناخده بقالنا 8 سنين دا .. وفرحانة بقى وهبقى متمكنة من اللغة لغويا ونظريا والحياة بمبى وكدا .....          
   STOOOOP
    فوقت من الحلم

_المفروض_ ان عندنا مادة اسمها Phonetics او صوتيات .. وهى باختصار :
A branch of linguistics that comprises the study of the sounds of human speech .
والترجمة
انها فرع من علم اللغة واللى بتضم دراسة اصوات الكلام البشرى.
وباختصار اكتر : هى ازاى تعرف تنطق الحروف صح
تنطقها انجليش مش انجليش _فرنساوى او صينى اللى احنا بننطقه دا.
ولانه مفروض .. ف محصلش

كام كلمة بننطقها ورا ال دكتور من يوم ما دخلنا الكلية _مابيتغيروش ع فكرة_ وخلصنا
وااااااخر محاضرة كان بيبقى ف جيبنا امتحان المادة دى  _ ايه السعادة دى _ وبرده مش كلنا بنقدر فى المادة.

فى السكاشن بقى .. نفس الوضع .. ميختلفش كتير مع ان اسمها معامل لغات يعنى عشان تتدرب تنطق صح ازاى
معامل ايه _وسعت منى اوى دى_هو واحد بس وياريت ليه فايدة
دى اكتر مادة المفروض اننا داخلين الكلية عشان ندرسها
والنتيجة .................. :(

باقى المواد التانية حاجات اسمها دراما,تحليل نصوص,رواية,ادب كلاسيكى,ادب مقارن
وكل دول عبارة عن مسرحيات او روايات
مع بداية كل تيرم .. بقينا بنفتكر مجرد اسماء الروايات دى وفى الغالب الكل عنده زهايمر ومبيفتكرش .

كل دا مش جديد عليا ومش لسه واخدة بالى منه دلوقتى بس
لكن انا فاضلى سنة _ان شاء الله_ ويبقى معايا ليسانس اداب انجليش _ اعمل بيها ايه_ ؟!!

             كان نفسى اقعد 8 سنين بدل 4 لو ينفع بس ادرس صح
           بس اكتشفت انى فى مصر وانى فى جامعة حكومية .. لما فوقت من الحلم.

                ودى أخرة اللى يفكر يغمض عيونه ويتخيل او يحلم ..
              كان حلم وردى .. وراح .

9 Ur opinion:

P A S H A said...

ربنا يكرمك ويوفقك للخير دايماً إن شاء الله .

:))

خالص تحياتي

Sarah .. said...

pasha :

بجد متشكرة جدااا ع الدعوة الجميلة دى
ربنا يخليك ويكرمك :)

يعنى اخلص الرغى اللى ف البوست دا..الاقى دعواية جميلة كدا :)

تحياتى ليك وصباح الفل

فراشة said...

العيون الفضية المتلآلآه ... ازيك

عارفه اهو انا لسه بقول لواحده هو انا ممكن احضر معاكم محاضرات ال Phonetics بصتلي وقالتلي ليه قلتها عشان اعرف انطق صح واستفيد قالتلي دا الدكتور بينطق غلط ومفيش معمل ولا بنسمع شرايط ولا بنشوف حاجه.....

وبعدين دا حال كل الكليات يعني ف موسيقى والله مكانش عندنا دكتور كمنجه وكنا احنا اللى بنجرب مع نفسنا

يعني بصى اعتبري الكلية دي كانت مرحله وخلاص ولما تخلصيها ابدأي كورسات ف مراكز معتمده
وهي دي مصر يا Silver Eyes

اووووووووووول تعليق :)

فراشة said...

ايه دا مطلعش اول تعلييق انا مبشوفش ولا ايه

معلش بقى كبرت ونظري ضعف هههههههههه

سمع هوص (Abo 3li) said...

ههههههههههههههه... فكرتيني بدكاترة الانجليش في الكلية عندي.. كنت بشتغلهم في النطق واشككهم في نفسهم... بس كانو بيطردوني بره...
وعلي رأي ميلوووودي.. أووول انجيليش اووول زا تايم...


اول زيارة ومش الاخيرة ان شاء الله
تحياتي

سكندري said...

دي اول زيارة لي المدونة
احب اقولك عادي جداً اللي انتي حاسة بي دلوقتي

علي فكرة ما فيش حد بيطلع من الكلية راضي عن نفسه و ما فيش حد هيشغلك علشان الكلية .. أكيد هتسمعي الكلمة المشهورة ...انسي اي حاجة اتعلمتيها في الكلية و فتحي مخك و اتعلمي الصح بقي ...(:

و الاهم من الكلية اللي بعد الكلية
تقبلي مروري

Sarah .. said...

فراشة :

انا تمام يا جميلة
ميرسى ع سؤالك ويارب تكونى بخير

اووووووعى تفكرى تعملى كدا تانى .. لو حابة تدرسيها
خدى كورسات هتنفعك بعين

مفيش دكتور كمنجة !!!
دا تهريييييييييج ههههههه
ربنا يعينكوا :)

بالنسبة للكورسات ف اكيد هاخدها بس انا اخلص الاول
هى دى فعلا مصر يا عبلة :)

نورتينى يا فراشة وسلامك عيونك

Sarah .. said...

abo 3li :

all english all the time .. tmam keda

kan lazem ytrdook .. asl e7na mesh bnfhm 7aga mn wghet nzrhom

merciii lik w yarab tnwarny 3la 6ool
:)

Sarah .. said...

A.el_kassas :

اهلا بيك ومنورنى بجد .. اتمنى تكون بخير

عندك حق .. بس انا مش شايفة انى اتعلمت اصلا عشان استنى حد يقولى انسى

و الاهم من الكلية اللي بعد الكلية .. اكيد
ربنا يسهل بس واخلص الاول :)

ميرسى ليك