Sunday, September 25, 2011

Just Words .. 6


كل اللى كـبّرونى

إنتوا ليه عملتوا فـيّا كده ؟
!!
.....
هيثم دبور ..

16 Ur opinion:

Ramy said...

أزيك يا سارة

مهما الناس و الدُنيا كبرونا بنحتفظ بطفولتنا جوانا

و بنحاول نرجعها

و نعشها

متكمليش انتى اللى هما أبتدوه و تساعديهم

أحتفظى بطفولتك
جواكى

Miss LoZa said...

دى سنة الحياة :)

safa7_karmooz said...

تقدرى تسمعى الحلقة من هنا :)

http://www.4shared.com/file/76mImzih/Horytna_-_Blog_On_Air_10.html

Sarah .. said...

Ramy :

الحمد لله يا رامى بخير :)

هو يمكن كان عتاب انهم كبرونى أصلا !
مش عارفة أتواصل مع الناس اللى حواليا

أحتفظى بطفولتك
جواكى
..
مش هعرف أعمل حاجة غير كدا
لانها جوا .. هتعيش

ميرسى ليك يا رامى
ويارب تكون بخير .. :)

Sarah .. said...

Miss LoZa :

سنة الحياة اننا نكبر .. تمام
بس مش اللى بيتعمل فينا
مش الحاجات اللى مخليانا حاسين اننا فى عالم تانى
وملناش مكان هنا

ميرسى يا مها :)

Sarah .. said...

safa7_karmooz :

حملتها وسمعتها .
بس معقول الحلقة دى بقالها أكتر من 3 سنين تقريبا !
حاسة انها لو اتعملت تانى الفترة دى هتكون مختلفة تماما

عجبنى انك حاطط فى اعتبارك حق الناس اللى بتتابعك عليك .. فمش هتفكر تقفل البلوج

ابتديت بيها يومى امبارح :)
ميرسى ع اللينك
:)

Miss LoZa said...

سارة حبيبتى
اصلا ربنا خلق الدنيا دى كلها بسماها وهواها وشمسها وزرعها وكل حاجة ليكى انتى
ازاى ربنا يبقى خالقلك كل حاجة حواليكى علشانك ويبقى مش ليكى مكان فيه ؟؟
اوقات الدنيا بتضيق بينا اه
بس مش علشان هى ضيقة
لا
علشان احنا باصنلها من خرم ابره
نظرتنا هى الى هتحدد دنيتنا :)

rona ali said...

بصي انا كنت فاكرة انى بكبر وطفولتى بتقل مع مرور السنين

ولما بشوف اطفال من سنه بس كانو اطفال جمال وبعد سنه كبروا وبقوا اطول منى بحس انى بكبر اكتر

وكنت بحس ان طفولتى اتسرقت منى وافضل ادور عليها هى فين

بس مع مرور الوقت حسيت انى كل ما بكبر الطفل الجوايا بيزيد في طفولته اكتر

احتفظى انتى بطفولتك احتفظى بكل شئ بتحبيه انتى كساره في نفسك

لانك فعلا حد جميل :)

maioya said...

سيبك منهم
وخلي طفولتك جواكي
مهما حاولو :)

safa7_karmooz said...

=) =)

كل يوم بصحى واقول هحط صورة واقفلها بقى ...قفلت الفيس ورجعته وقفلت كل حاجاه الا هى ...

هيتغير الحوار كتيييييييييييييييييييير اوى لو اتعمل دلوقتى ...بس المذيع بقى مصور محترف وساب شغل الاذاعات للابد :D

Sarah .. said...

Miss LoZa :

ونعم بالله طبعا قبل أى حاجة
بس
أوقات لما الدنيا بتضيق عليا .. بحس ان مليش مكان فيها
لما بتضيق أووى لدرجة انى مبقدرش أتنفس !

ربنا مخلقناش بشكل عبثى
يعنى فى دنيا ملناش مكان أو لازمة فيها .. أبدا مش كدا

بس هوّ عدم قدرة على التواصل معظم الوقت
بيوصلنى ل تساؤل زى دا
.....
علشان احنا باصنلها من خرم ابره
نظرتنا هى الى هتحدد دنيتنا

الجملة دى بتفكرنى بشخصية عزيزة جدا عليّا .. كانت دايما بتتكلم بالاسلوب دا
تفاؤلها كان بيعدينى .. :)

Sarah .. said...

rona ali :

أوقات بحس ان طفولتى اتسرقت منى فى غمضة عين
مع انى لسه محتفظة بيها جوايا .. ودا اللى مخلينى عايشة .

أنا مقصدتش كدا
بس يمكن احساس ب انى اتربيت فى عالم منعزل عن الواقع الصادم اللى ابتديت أحتك بيه بشكل أكبر كل يوم
يمكن الحياة المثالية اللى كنت بحلم بيها من صغرى لسه مسيطرة عليا
رغم اقتناعى لما كبرت انى مش هلاقيها ابدا فى الدنيا !

مجرد تساؤل .. مش هلاقيله اجابة زى حاجات تانية كتير

ميرسى لوجودك هنا ولكومنتك .. :)

Sarah .. said...

maioya :

لسه محتفظة بيها
وبحاول احافظ عليها .. هفضل أحاول

ميرسى يا مى .. :)

Sarah .. said...

safa7_karmooz :

ولو اتقفلت .. هترجع تانى
الادمان مش سهل تتخلص منه .. خصوصا التدوين
بس
مش هتتقفل .. :)

أنا افتكرت انه تشابه أسماء بس
معقولة .. دا عز اللى عمل فيديو الشاب اللى طلع ع العمود وعلق علم مصر
وأنا متابعة تصويره كمان ! .. :)

safa7_karmooz said...

لاء هوا هوا نفس الشخص

https://www.facebook.com/moezzaldin

Miss LoZa said...

بعد الشر عليكى من ضيق التنفس والخنقة
اول متحسى الاحساس ده قومى اتوضى وصلى ركعتين
وانتى هتبقى زى الفل
واول ماتخلصى صلاة كلمينى وانا هفرفشك اكتر
هههههههههه
وقت مانتى عاوزة
ده بجد مش كلام والله اصلا :)
وهكون مبسوطة كمان :)
وكويس انى بفكرك بحاجة حلوة
يا بنتى انا اصلا حلوة من غير ما افكرك
ههههههههههههههه
تعاليلى بس انا املاكى تفاؤل ;) :D