Monday, June 7, 2010

Tag mn 3amo el_safa7 ..

تصدق العنوان لوحده يخض
ثانكس ع الهدية الجميلة دى :) 


انت مين بقى ؟
انسانة تعيش وبتحاول تتعايش
Silver Eyes
 

عندك كام سنة؟
انا لسه قطة صغيرة ;)
كلها 4 شهور واوصل ل سن اليأس ' 20 سنة' D:

هل انت متزوج ؟
تؤ

دراستك ايه؟
اداب ..انجليش  

كم طولك وما لون بشرتك؟
نفسى افهم ايه علاقة السؤالين ببعض
طولى .. مش عارفة كام بالظبط بس الطول العادى
لون بشرتى .. فوحلوقى D:

هل تمارس عملا بشهادتك او عمل حر وما هو؟

لاء  انا حاليا لسه باكل عيش فى الكلية
بس كلها سنة واشتغل نفسى :)

ماذا تفعل بوقت فراغك؟
بدخل نت .. بأنتخ ..  بقرأ .. بناام

هل لديك هوايات وهل تمارسها؟
القراية والكتابة الى حد ما شوية .. بسرح بخيالى للعالم بتاعى

هل تشعر برضا ربنا عنك؟
بنسبة معقولة .. اه

 
عندما تكون فى موقف اتخاذ القرار..تخالف الجماعه.. ام تشرك معك الاخرين؟
قرارى دايما من دماغى طالما شايفة انه صح .. مش باخد برأى حد غير لما يكون قادر يقنعنى بيه

ماهو الشىء الذى فعلته وندمت عليه طول عمرك؟
عرفت شخصية من اجمل الناس اللى ممكن تقابلها ف حياتك .. من فترة وندمت انى عرفتها يمكن
لانى ما استاهلش انى اعرفها :(

وندمت ع تضييع وقتى فى حاجات كتير ملهاش لازمة .. بس بتخلص من الاحساس دا بسرعة 

هل تصارح غيرك بالحقيقة ام تقول له ما يحب سماعه؟
اللى يحب يسمعه .. لاء يبقى اكيد من حد غيرى .. كل حاجة ليها طريقة تتقال بيها من غير ما تجرح اللى قدامك او تدايقه بس لازم تصارحه .. وانا بعمل كدا

متى يقسو قلبك؟
لما حد يبيعنى .. !!لم

من هو اول من قلت له احبك ؟
قولتها بتصرفات وبمشاعر لناس كتير 
 
هل يمكن ان تحب احد من المدونين؟
معتقدش لانها لو علاقة ع النت فاكيد مرفوضة .. غير كدا بقى الله اعلم

ماذا تعنى لك المرأة والرجل؟
المرأة .. لوحة فنية متكاملة من الحنان والحب والتضحية والعطاء
الرجل .. الحضن الدافى والامان والاحتواء لكل دا

فى زمن البحث عن المادة ماذا تبحث انت؟
بدور ع نفسى .. رضى ربنا عليا

متى تعرف انك تحب؟
لما احس انى طايرة فوق السحاب :)

الشخصية التى اثرت بحياتك؟
كل حد بقابلوا يوميا بتاثر بيه لو شوفته بيعمل حاجة غلط فمش بحاول اعملها ولو حاجة كويسة 
بحاول اعمل زيه .. وف الفترة الاخيرة كان المعيد بتاعى اثر ف حياتى بشكل كبير اوى بطموحه واصراره  ..

هل يوجد من تراه سعيدا فى الدنيا ولماذا؟
اه كتير .. لان مفهوم السعادة بيختلف من حد للتانى

ماهى درجة صراحتك؟
صريحة بدرجة كبيرة لما احس ان اللى قدامى هيتقبلها ويفهمها بشكل صح

ماهى المواقف التى يمكن ان تكذب فيها؟
بقى قليل عندى اوى موضوع الكدب دا .. بس بعض المواقف بتتطلب دا يمكن عشان اهرب وبس

هل يتغير الحب بعد الزواج؟
معظم الناس شايفة ان الزواج نهاية للحب فبالتالى بيتغير 
هو فى كل الاحوال بيتغير .. 
على حسب ارادة الطرفين.. ممكن يوصل لدرجة العشق او الكره 

فيما تفكر الان ؟
بفكر هفكر فى ايه لما انام D:
هههههههه بفكر 24 ساعة

لو لم تعش بمدينتك ..فأى مدينة تفضل ان تعيش بها؟
لبنان ..   دا ف الواقع
ف الخيال.. فاكيد اليوتوبيا

من اول من يأتى ببالك لتحكى له اسرارك؟
مش كتير بس اولهم : بسنت

من هو الد اعدائك ؟
الكسل :(

من هو صديقك؟
ناس كتيرة اوى .. بس القريبين .. قلة
اتنين منهم مدونين : هاجر ومشمش .

ماذا تكره فى الحياة؟
الغبااااااااااااء البشرى .. وبكرهها لما بحس انها ضاقت عليا اووى

ماذا تحب؟
الناس اللى ينفع نقول عليهم بنى أدمين بجد ..

كيف تواجه ما يضايقك وكيف تتصرف فى المفاجأت ؟
لما بضايق او اكون زعلانة .. بنام ,مش بعرف اهدى غير كدا 
وبعدها بحاول افكر واتصرف بشكل صح.
المفاجأت .. لو حلوة ببقى مبسوطة اوى
ولو العكس .. باخد فترة طويلة  لما افوق واستوعب


التاج ده هديه لـ

نظريات تحتاج الى اثباتاتhttp://lifewillcontinue.blogspot.com/  
روح طفلة مش عايزة تكبر http://justbabygirl.blogspot.com/ 

8 Ur opinion:

safa7_karmooz said...

هههههههههههههههههه

والله انا سفاح طيب...مطلعين عليا اشاعات مغرضة :(

وبعدين قصدك ايه بسن اليأس...اروح انتحر انا يعنى ولا ايه؟؟ :D

فيه حاجات كتير اوى عجبتنى فى ردودك...وحاجات ضحكتنى :D :D

وميرسى انك دبستى هاجر ..ههههههههههه

Anonymous said...

An An AAAAAn
ana btdabes ya Ged3aaaaaaan :D :D

hagy tany ara5em 3aliky shwaya .. w hgawbo isA bs esbory yomen belzpt :)

حزينه said...

كلماتك جميله وردودك حلوه

ياريت تزورينى


حزينه

aflam toreksh said...
This comment has been removed by a blog administrator.
Sarah .. said...

سورى بجد انى اتاخرت ف الرد

safa7_karmooz:

يا اهلا يا اهلا
اشاعات موغرضة اه d:

ايون دا بالظبط اللى اقصده .. قربت تكمل ربع قرن وكدا كتير :D

دا من بعض ما عندكم حضرتك
ياارب تبتسم وتضحك ع طوول

اى خدمة .. دبستها اهو من غير ما تطلب

مغرضة مغرضة يعنى :D

نورتنى كالعادة :)

Sarah .. said...

Hager_Za3bal :

تششش
دا بس عشان بحبك ..

هستناكى تيجى تقوليلى رايك وتحتلى البلوجاية
ولما تخلصى امتحاناتك ع خير ان شاء الله
الاقيه اتعمل فوراااا

منورانى يا جوجى :)

Sarah .. said...

حزينة:

اهلا بيكى يا قمر
منورانى

ربنا يخليكى دا بس من ذوقك
:)
هتلاقينى عندك ف اقرب وقت
ثانكس :)

سمع هوص (Abo 3li) said...

ماشي يستي من عنيا...
انتي تأمري...