Random thoughts ..

_ قالت هى عن " خِفّة الروح "

لو روحك فضلت خفيفة ماكنتيش هتحسي بقيمة
الحاجات الخفيفة اللي مخلياكي تعرفي ترفرفي
ماكنتيش هتعرفي قد ايه هما مهمين ..
لازم تتقل علشان تعرفي ايه المهم وتبقي عليه
وتعرفي ايه اللي نص نص وترميه ف ترجعي خفيفة تاني ..كلنا بنتقل علشان نحط لزق على جناحتنا نستريح شوية
ونرجع نرفرف من تاني

فاتطمنى وخليكي مع نفسك وارمي كل الهموم اللي متقلاكي دي
وارجعي طيري ورفرفي زي الأول !


 _ " وفى الموت مُتسعٌ للحياة "

هما الناس اللى دايما بيقولوا أنا مش خايف/ة من الموت !
متطمنين للدرجة دى ولّا مقتنعين بمقولة درويش بشكل أو بآخر بإن
" الموت لا يوجِع الموتى .. الموت يوجِع الأحياء "
ولا بيكدبوا على نفسهم وبيتظاهروا بعكس خوفهم
ولّا دا يقين بإن دى الطريقة الوحيدة اللى هيروحوا بيها لربنا !



_ " صُحاب ترانزيت "

أوقات بقيت بكره الناس اللى بتدى لغيرها

نصايح فى المطلق من غير تفسير

طريقة واحدة لتنفيذهم .. وأولهم أنا !

مش غلط إن حد يقولنا ” إوصل فى حزنك لآخره ” لإنه

هياخد وقته ويمشى زى حاجات كتيرة فاتت وأكتر جاية ..

هنستفيد ايه لما حد يلوّن لنا الدُنيا فجأة كدا

ويخرّجنا من أى حالة بنمر بيها _ بس _ ل لحظة !!

لو ملقيناش حلول وطريقة نخرج بيها من

دايرة مشاكلنا من غير ما نشيل فوق كتافنا

هموم زيادة … محدش هيعملنا دا

طول الوقت ..مفيش حد هيستنى معانا غيرنا احنا مهما عملنا !

وكل دا بيخلينى أصدق حقيقة حد مرة قالهالى إن " صُحابك كلهم ترانزيت "


_ " احتضار اكتوبر "

زى كل سنة بيجى ومعاه سنة جديدة من عمرى
وبداية جديدة مُبهجة ومُبشّرة بالخير .. وحبة دفا !
وبيمشى زى الضيف الخفيف ..

عنهم ..

_ لم يَعُد هناك حلولا بديلة ..

أصبحت أجيد الهرب منذ فترة ليست بالقصيرة
لا لشئ سوى يقينى بضعفى وعدم قدرتى على المواجهة ,
وفى حال حدوثها ستكون مصحوبة بجُرح غائر
وربما بذنب لا يغتفر لن أقوى على احتماله .. !


_ حدثنى عن الوجع ..

تزيح عن كاهليه عبء وحمل ثقيل فى محاولة للتخفيف
عنه ولكنها تبدو عقيمة لصعوبة إرضاؤه !

تتحمل وحدها شرخ لن يلتئم , لم يلحظه هو
ولن يشاركها أحد فى تحمله ..

تود فقط لو أن تجد تبريرا يناسب أسئلتهم
الوجودية عندما تلتمع عيونها شجنا !


_ وبَشّر الصابرين ..

خطوط الزمن المرسومة بعناية على وجهها
تكشف عن حجم مأساتها الحياتية
بشكل يدعو للشفقة .

أتأملها لفترات طويلة دون أن تلحظ ..
لا أدرى كم من الوقت يمر وأنا مستغرِقَة
فى محاولة فك طلاسم تلك الروح المهترئة
وكيف لها بأن تكون " حِمل جبال " .. !

تملُك من الدفء وطاقة النور ما يكفى لوضعى
أمام همومى فى وضع مُخجِل تماما
لصغرها المتناهى بجانبها .
وما يكفى لشمل من حولها بالحب
ولكن ليس كأى حب
فهو حتى الموت وربما للخلود .


_ كُلنُا فى الوجع سواء ..
` Pretending that you're happy is sometimes
easier than explaining why you aren't . `


بهذا المبدأ كانت تسير حياته
يضحك ملء شدقيه الى الحد الذى لا ينتابك معه
أدنى شك فى أنه أسعد خلق الخالق .

لا أدرى لِمَ أنا تحديدا التى يلجأ لها الكثير
من أصدقائها لصب تفاصيل أيامهم , أوجاعهم ,
والقليل من أسباب سعادتهم _ إن وجدت _ فى قلبها
ثم يرحلون ليتركوننى أعانى وقع كل ذلك وحدى !!

 أبتسم , ووحده كان يعرف مغزى تلك الابتسامة فيجيبنى
" الدُنيا لسّه فيها أكتر من كدا _ اضحكى " ..

بداية جديدة ..

_ زى كل حاجة مع الوقت بتتنسى .. الذكريات كمان

عندى حنين غريب الفترة دى لحاجات كتيرة بحبها وبطلت أعملها

هواياتى كمان مبقتش أهتم بيها .

آخر مرة مشيت فيها لفترة طويلة أوى وصلت لساعات

كانت من شهور , أقرب لسنة
تقريبا استهلكت فى اليوم دا كل القوة اللى جوايا
وفى نفس اليوم بطلت أبص فى وشوش الناس
اللى كانت بالنسبالى حواديت وحكاية مختلفة ورا كل وش بنى آدم بقابله .

.......
_ تعرفى .. بحس إن حالة الحزن بتليق عليّا أكتر !

وقتها إنتِ مصدقتنيش أو مفهمتنيش
ويمكن  كنت أقصد حالة الوحدة وأسأت التعبير وقتها
_ لإن الاتنين حالتين قريبين من بعض بالنسبالى _
بس الحالة دى مش بتوصلنى لإكتئاب أو زعل حقيقى
بالعكس دى بتقربنى لنفسى أكتر .. بدوّر جوايا من تانى
على حاجات تاهت وسط مليون حاجة تانية
ومفيش غير الحالة دى اللى بتخلينى ألاقيها وسط الزحمة
بحب نفسى أكتر وقتها .. :)

.......
 أنا اتغيرت أوى .. فى مدة قليلة أوى كمان_
بكل الحلو والوحش فيه .. التغيير دا راضينى نوعا ما
بقيت أنضج كتير , تفكير , تصرفات  , ومشاعر
تحمل مسئوليتى لنفسى بشكل أكبر كمان .
والوحش لسه بيتغير
ولسه فيه حاجات جميلة شايلاها فى أبعد حتة فى قلبى
زى ما اتوجدت فيّا ..

بس
ليه دايما الناس بتفتكر التغيير حاجة وحشة ومش محببة !!

.........

البدايات الجديدة دايما مبهرة ..مميزة جدا_

لسه بؤمن بيها .. لانها لسه بتدينى أمل

بس أنا كنت بخاف من المغامرة
ومن يومين بس قررت مخافش تانى
بعد ما ربنا بعتلى رسالة فى حلم .. طمنتنى
شكرا يارب .. :)

..........
22 February ..

عدى سنتين هنا فى البلوج .. وبقى المكان الوحيد اللى بيونسنى ويدفينى ..

لكل حد كان السبب فى وجودها

ولأصحاب القلوب الطيبة وتعليقاتهم

شكرا بجد .. أنا ممتنة ليكم .. :)

عنى ..

 بيقولوا إننا مش بنعرف قيمة حاجات كتير فى حياتنا ..

غير لما بتضيع من إيدينا

بس

أنا عارفة قيمة الحاجات اللى مالية حياتى وبقدرها

لكن مكنش فى احتمالاتى إنها ممكن تضيع فى يوم منى !

....

دايما بأنب نفسى وبلومها على حاجات كتير غلط وأكتر صح

ليه .. مش عارفة !

مش لاقية مسمى لـ دا ..

قلة ثقة فى نفسى .. جلد ذات .. أو ....

مش عارفة ومتلخبطة .. !

....

حاسة إنى كنت مغمضة عينيا ولما فتحتها .. فجأة لقيت نفسى كبيرة

أنا كبرت إمتى وكنت فين وقتها يارب ؟!

الايام بتعدى بسرعة أوى

لسه فاكرة تفاصيل أيام كاملة لما كنت صغيرة

ونسيت تفاصيل وأحداث امبارح

أنا مش مستوعبة حاجات كتير . 

....

_ كان نفسى أساعدك تكونى حاجة أحسن من كدا بس معرفتش ! :)

_ سيماهم على وجوههم .. ربنا يكرمِك

_ إنتى حد من _ البنى آدمين _ القليلين أوى فى حياتى

_ أنا بدعيلِِك وخدى بالك منك .. عشانى

In order not to forget ..

` Khalid Said .. Mostafa Al-Sawy , Mina Daniel ,
 Emad Effat , Alaa Abd El-hady
and all our martyrs ` .... RIP .

....May ALLAH bless your souls and bless EGYPT ..

....

برد ..

دايما فيه حد بيهتم .. يمكن بعيد .. مش معايا دايما
بس موجود لما بكون على وشك إنى أقع
ومحاولاتهم دايما فى محلها
لكل اللى بيعمل كدا ... أنا ممتنة .. :)


ياريتنى كنت اعرف ايه اللى بيخلينا نحب ناس كتير فى حياتنا
لدرجة الوجع .. ياريت !

أوقات كتير بتكون أكتر حاجة بنخاف منها ..

هيا اللى المفروض نواجهها ونتقبلها

زى ما هىّ عشان مفيش اختيارات تانية..

بس نكسر الحاجز اللى بينا وبينها الأول

لما كنت أصغر من كدا شوية ..
كنت بشوف مبادئك, أفكارك ,كلامك
أو أى حاجة إنت بتعملها صح .. أياً كانت

وكنت ناسية انك بشر !

بس دلوقتى أنا آسفة أنا اتغيرت كتير عن زمان

ومش هاخد حاجة تانى على إنها أمر مُسلّم بيه .. أبدا


أنا خذلت نفسى كتير .. أوى
خايفة .. بهرب .. وبعاند !

الله أكبر كبيرا ..

تكبيرات العيد
بقت الحاجة الوحيدة اللى بيها بحس إن فيه عيد
ودى فرحة العيد بالنسبالى .. بس
..
كل سنة وانتوا طيبين
ربنا يتقبل صيامنا ودعائنا الايام اللى فاتت
ويرزقنا زيارة بيته الكريم .. :)
..
عيد أضحى سعيد على الجميع
ويارب
يكون جايب معاه فرحة صغيرة للناس كلها 
:-)

Invitation ..

:)
You'll be welcome here
if you wanna talk about anything
in your life.
Something like secrets , memories , problems ,
mood or even anything which pissed you off .


Be anonymous or stay known
as you like.

just feel free and go ahead ..


* The idea of this post is a regular post
every week in
طرطشة أفكار
thank you .. :)

Just Words .. 7

مش حِملها ..

Just Words .. 6

كل اللى كـبّرونى
إنتوا ليه عملتوا فـيّا كده ؟
!!
.....

هيثم دبور ..

شخابيط ..

التفاصيل الصغيرة بتكمّل التفاصيل الكبيرة .. و وقتها الصورة بتوضح أوى
بس أنا كنت مُصرّة انى مشوفش .. أصل كان لسه جوايا أمل وحبة نور
مكنتش عايزة اخسرهم .. بس حصل غصب عنى
والنتيجة .. الحلم اتكسر .. !
...

شر لابد منه .. وسنة الحياة .. الوجع
مينفعش نعيش من غيره .. لان مش هيبقى فيه صراع ..
والحياة عمرها ما هتمشى على وتيرة واحدة
يمكن عشان كدا بنستحمل عشان فى راحة بعد تعب كبير
هىّ الحياة كدا
فيها ابتسامة .. وفيها آه ..

...
‘ أحلامى صبحت بور .. ممنوع عليها الضى ‘
ينفع المرة دى بس ما تحسسنيش انى عبء وحمل تقيل عليك .. ينفع ؟
ما تخلينيش أقول كدا .. أو ألعن طموحى
أرجوك .. خلينى أتنفس المرة دى بس .. يمكن ما أموتش
شوفنى كبيرة ومسئولة عن قراراتى وادينى فرصة انى اختار ..
هتحمل عواقب دا لوحدى مهما كانت .. صدقنى مش هخذلك
بس .. ما تخلينيش أموت ..
...

الكتابة ساعات بتوجع .. بس كتير بتريح
وأنا محتاجة أتكلم .. بس مفيش حد هيسمع
حتى لو صّرخت
مش لاقية حل غير انى أكتب .. بس ياريت الكلام يطاوعنى كل مرة ويتكتب
...

دعوة حلوة بتتحقق .. شِعر .. صفـــاء .. صلاة .. هدية الهية
هروب مصحوب بالخوف .. وطمأنينة مع ابتسامة الدنيا مش سايعاها
حبة هــــوا .. :)

والله بعودة ..

  أَيَّامًا مَّعْدُودَاتٍ فَمَن كَانَ مِنكُم مَّرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ )

وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَن تَطَوَّعَ خَيْرًا فَهُوَ خَيْرٌ لَّهُ

وَأَن تَصُومُواْ خَيْرٌ لَّكُمْ إِن كُنتُمْ تَعْلَمُون )  .. البقرة
 
...
رمضان كريــــم
كل سنة واحنا دايما طيبين وبخير يارب
و الى الله أقــرب
رمضان جنّــــة
:-)

 

Nostalgia ..

ابتسامة أخيرة ..

وكإنى فراشة بياخدها الهوا .. لبعيــــــد !

..

فاكرة لما كنتى جميلة بجد .. مش من بعيد أووى .. !

الصورة الجميلة ليكى جوايا اتكسرت خلاص .. ومهما حاولت إنى أجمعها تانى

هتتكسر أكتر وهتجرحنى .. فــ أرجوكى خليكى بعيد .

..

بيت من غير روح وصورة باهتة أوى ... 

..

21 June 2011

كُليتى .. آخر يوم

برغم كل حاجة مش حلوة حصلت فيها .. سيبت كل حاجة

وأخدت ذكرى وحيدة بس

وقبل ما أمشى سيبت ابتسامة بجد من قلبى

لإنى محبتش إن كل حاجة تموت .. حتى أنا .. :)

عتمــــة ..

عمرك سافرت الفجر عمرك بكيت
عمرك شقيت من غنوه تسمعها
عمرك لقيت نفسك
ومديت لها خطوة صبا

.. فؤاد حداد

...

خبايا النفس تظل فى النفس ,

وآلامى تظل لى وحدى

مادامت لا يفهمها أحد

.. محمد حسن علوان

...

الغربة فينا .. جوانا أو برانا .. فينـــــا !!

 ...

حد زيي بعد فترة إزاى يصدق غير عينيه؟

..نفسي أوصل للحقيقة.. قبل ما أوصل للنهاية..

نفسي أشوف صورتي الدَقيقة.. ولو دِقيقة.. ف المرايا

 .. مصطفى ابراهيم

...

كل اللى ناقصك

عشان تضحك

بجد

من قلبك ..

وسط الهموم الكتير

اللى بتبكىّ

يطلعلك ..

هم واحد

بيضحّك ...

.. خالد كساب

...

كل مساء تتمنى أن تنام للأبد ولا تصحو مجدداً

وتتسائل كل صباح عن سبب صحيانها ..

يتوقف تفكيرها الشارد للحظة .. تستغفر

وتقرر النهوض للتظاهر بالحياة مرة أخرى ..  !!

 ...

الحزن .. لازم ياخد وقته ويخلص زى أى حاجة تانية

بس دايما فى شعرة بين انه يخلص لما ياخد وقته

أو إنك تستسلم لجاذبيته 

ياريت ما تتقطعش .. !!